00:00:00 IGIHE NETWORK KN KINYARWANDA EN ENGLISH FR FRANCAIS

Tunisie ishobora kwamburwa itike y’igikombe cy’Isi 2022

Yanditswe na Iradukunda Olivier
Kuya 29 Ukwakira 2022 saa 09:12
Yasuwe :

FIFA yatangaje ko leta ya Tunisie nikomeza kwivanga mu bikorwa by’umupira w’amaguru, izafatira ibihano iki gihugu bishobora gutuma ikipe yacyo itajya mu gikombe cy’Isi giteganyijwe kubera muri Qatar guhera mu kwezi gutaha.

Ubusanzwe abanyamuryango ba FIFA basabwa kwigenga ku bikorwa byabo, bikaba bitemewe ko politiki ibyivangamo.

Tunisie iburiwe nyuma yuko Minisitiri w’urubyiruko na siporo, Kamel Deguiche, avuze ko Ishyirahamwe ry’umupira w’amaguru risinyana amasezerano na Minisiteri yo kujya ikemura ibibazo byo muri iryo shyirahamwe.

Iki cyemezo FIFA yakibonyemo ukwivanga muri gahunda zayo binyuze mu Ishyirahamwe ry’umupira w’amaguru muri Tunisie (FTF), itegeka vuba na bwangu iri shyirahamwe gusesa amasezerano ryagiranye na Minisiteri.

Itangazo ryaturutse i Zurich ku biro bikuru bya FIFA ryibukije Ishyirahamwe ry’umupira w’Amaguru muri Tunisie ko nta hantu na hamwe, abanyamuryango bayo bahurira na politiki, ko yigenga kandi igomba gukora ibikorwa byayo mu bwisanzure.

Iyi baruwa yagejejwe kuri FTF yoherejwe Kenny Jean-Marie ushinzwe ibikorwa by’amashyirahamwe, ivuga ko mu gihe iri shyirahamwe ryananirwa gukora ibyo ryasabwe, ryafatirwa ibihano nk’uko amategeko ya FIFA abiteganya.

Ati “Tubasabye guhita mukora ibyo twabategetse, mu gihe hatagira igikorwa, hazabaho gufatirwa ibihano nk’uko amategeko ya FIFA abiteganya harimo no guhagarikwa nk’umunyamuryango wa FIFA.”

Mu ibaruwa kandi hakubiyemo ko bigomba kubahirizwa bitarenze kuwa Gatanu tariki ya 4 Ukwakira 2022. Uku guhagarikwa nk’umunyamuryango wa FIFA byahita biyikura ku rutonde rw’amakipe azajya yitabira imikino mpuzamahanga, nkuko FIFA ibiteganya.

Iyi kipe isanzwe yitwara neza mu gikombe cya Afurika ikaba inafite icyo mu 2004, yarifite no kuzitabira imikino y’igikombe cy’Isi muri Qatar ikazahura n’u Bufaransa, Denmark na Austalia biri mu itsinda rimwe rya D.

Mu mezi make ashize kandi minisiteri ya Siporo yahagaritse shampiyona y’iki gihugu FIFA itabimenyeshejwe. Ibi yabishingiye ku kuba itegeko ryo muri Tunisie ryemerera iyo minisiteri kubyivangamo. Ibi na byo bikaba byashingirwaho iri shyirahamwe rihagarikwa.

Ikindi gihugu cyahagaritswe mu gikombe cy’Isi uyu mwaka ni u Burusiya, kubera ko ibihugu byinshi byagisabiye ibihano kubera ibikorwa by’intambara cyateje muri Ukraine.

Umukino wa mbere w’Igikombe cy’Isi uzaba tariki 21 Ugushyingo 2022, iki gikombe kirangire hakinwa umukino wa nyuma tariki ya 18 Ukuboza 2022.

Tunisie ishobora kwamburwa itike y'igikombe cy’Isi 2022

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .