Marriott International yashyizeho uburyo bushya bwo gushimira abakiliya b’imena

Yanditswe na Mukaneza M.Ange
Kuya 15 Gashyantare 2019 saa 12:36
Yasuwe :
0 0

Marriott International ibarizwamo Kigali Marriott Hotel, yatangije uburyo bushya bwo gushimira abakiliya bakoresha serivisi zayo inshuro nyinshi (loyalty rewards).

Ubu buryo bushya bwiswe ‘Marriott Bonvoy’, bwashyizwe ahagaragara ku wa 13 Gashyantare 2019, bwaje busimbura ubundi butatu bwari busanzwe bukoreshwa burimo Marriott Rewards, The Ritz-Carlton Rewards na Starwood Preferred Guest.

Guhabwa iri shimwe bisaba kuba wariyandikishije, noneho buri uko ukoresheje serivisi zitandukanye za Marriott International hirya no hino ku Isi, ugahabwa amanota ashobora gutuma uhabwa igabanyirizwa mu ndege bakorana cyangwa igihe wishyuye icyumba.

Umuyobozi Ushinzwe Ubucuruzi muri Marriot International, Stephanie Linnartz, yatangaje ko Marriott Bonvoy, ari intangiriro ry’urundi rwego mu bijyanye n’ingendo kuko itagamije gutanga ishimwe gusa.

Ati “Marriott Bonvoy ni gahunda y’ingendo yashyizweho mu rwego rwo gushyira ku rundi rwego gahunda z’ibikorwa byacu mu bihugu 129, ari nako dushishikariza abanyamuryango gukomeza gukora ingendo bitabira ibikorwa bibari ku mutima”.

Yakomeje avuga ko abanyamuryango miliyoni 120 ba Marriott Bonvoy bemerewe gukoresha serivisi za Marriott International bakishyura ibyumba ku biciro binoze, bakanahabwa nyungu zirimo kuba bashobora kujya mu byerekezo 1000.

Uretse kuba ubu buryo bushya buzatuma abakiliya ba Marriott hirya no hino boroherwa no gusura ibikorwa bitandukanye birimo gutembera mu butayu bwa Maroc bari ku ngamiya, hari n’ubufatanye buzatuma banagira amahirwe yo kwemererwa kwitabira ibikorwa birimo amasiganwa y’imodoka nto ya FIA Formula One, iserukiramuco rya Coachella, Dubai Jazz Festival, ibihembo bya Oscars n’ibindi.

Marriott Bonvoy kandi yanazanye ibyiciro bishya bizajya bihabwa abanyamuryango b’imena birimo Titanium Elite yasimbuye Platinum Premier Elite, izajya ihabwa umuntu umaze kurenza amajoro 75 muri imwe muri hotel za Marriott International.

Hari kandi Marriott Bonvoy Ambassador Elite ishyirwamo abanyamuryango bamaze kurara muri hotel za Marriott International, amajoro asaga 100, kandi bafite umwihariko wo kuba barakoresheje asaga ibihumbi 20 by’amadolari ku mwaka.

Ibi bibahesha amahirwe yo guhabwa serivisi zihariye n’umuntu wo kubafasha gutegura ingendo zabo neza, akanabitaho igihe bageze muri hotel bazacumbikamo.

Ku bisobanuro birambuye kuri Marriott Bonvoy n’uburyo ushobora kwiyandikisha wasura urubuga MeetMarriottBonvoy.marriott.com

Marriott International ibarizwamo Kigali Marriott Hotel yashyizeho uburyo bushya bwo gushimira abakiliya b'imena
Abanyamuryango ba Marriott Bonvoy bazajya bahabwa igabanyirizwa kuri serivisi zitangwa na hotel zibarizwa muri Marriott International

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza