Impamvu guhamagara byagizwe ubuntu ku baganga bagize itsinda ryo kurwanya Coronavirus

Yanditswe na Twarabanye Venuste
Kuya 10 Mata 2020 saa 08:48
Yasuwe :
0 0

MTN Rwanda yatanze serivisi yo gufasha abaganga guhamagara ku buntu bari mu bikorwa byo kurwanya Coronavirus, mu gihe cy’mezi atatu hagamijwe kubunganira mu kazi barimo.

Sosiyete y’Itumanaho ya MTN Rwanda isanzwe iteza imbere ikoranabuhanga mu banyarwanda, itangaza ko yakoze icyo gikorwa kubera ko ari ingezi kuguma ku murongo ku bagize iryo tsinda ry’abaganga.

Umuyobozi wa MTN Rwanda Mitwa Kaemba Ng’ambi, ati “Tuzi uburyo ari ingenzi kuguma ku murongo muri iki gihe. MTN Rwanda yagize ubuntu guhamagarana hagati y’abaganga, abaforomo, n’abaforomokazi mu minsi 90, inatanga inkunga ku Kigo cy’igihugu gushinzwe ubuzima RBC.”

Umuyobozi wa MTN Rwanda, yatangaje ko yakoranye na RBC, bakabona urutonde rw’abakozi bagize itsinda riri kurwanya Coronavirus (Fight COVID-19 TASK GROUP) ndetse ubu bose guhamagara bikaba ari ubuntu.

Ati “MTN Rwanda yakoranye na RBC kugira ngo ibone urutonde rw’abaganga n’abandi bakozi bagize itsinda ryo kurwanya Coronavirus, kuri bo ubu guhamagara no ubuntu.”

Uretse guhamagara byagizwe ubuntu kuri abo baganga, MTN Rwanda, yanahaye Ikigo cy’igihugu gishinzwe ubuzima RBC inkunga ya miliyoni 10 Frw yo kuyifasha mu bikorwa byo guhangana na Coronavirus.

MTN Rwanda yunginiye abo bakozi mu guhamagara mu gihe muri rusange yanafashije abanyarwanda gukuraho ikiguzi cyo kohereza, no kwishyurana amafaranga hakoreshejwe ikoranabuhanga muri ibi bihe u Rwanda ruri gushyira mu bikorwa ingamba zo kurwanya Coronavirus.

MTN kandi ku bufatanye na MINEDUC na Minisiteri y’Ikoranabuhanga na Inovasiyo, yatanze uburyo bwo gusura imbuga zitandukanye zifasha abanyeshuri biga ayisumbuye na Kaminuza ku buntu bakareba ibijyanye n’amasomo.

Izo mbuga bashobora gusura urw’Ikigo cy’Uburezi, REB kuri https://elearning.reb.rw/, n’iza Kaminuza y’u Rwanda kuri https://elearning.ur.ac.rw/ na https://elearning.rp.ac.rw/ igihe icyo aricyo cyose badakoresheje ama-inite.

Muri ibi bihe kandi MTN yongeye umubare w’ama-unite umuntu yemerewe koherereza undi ku munsi ava ku 3000 Frw agera ku 6000 Frw n’ayo umuntu agira kuri konti ye ava ku 500 000 Frw ashyirwa kuri 1 000 000 Frw.

Mu bufatanye na Banki Nkuru y’u Rwanda, MTN iherutse gukuraho ikiguzi cyo gukura amafaranga kuri konti ya banki ajya kuri Mobile Money no kuyabitsa kuri banki, kuyohererezanya no kwishyura ibicuruzwa mu minsi 90.

Abaganga bari mu bikorwa byo kurwanya Coronavirus barahamagarana ku buntu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .