00:00:00 IGIHE NETWORK KN KINYARWANDA EN ENGLISH FR FRANCAIS

Kadhafi, Obiang, Mugabe...abakuru b’ibihugu bayoboye AU bagateza impagarara

Yanditswe na

Herve Ugirumukunda

Kuya 4 Gashyantare 2015 saa 07:51
Yasuwe :
0 0

Robert Mugabe, Perezida wa Zimbabwe ufite imyaka 90 ni we uyoboye umuryango w’Ubumwe bwa Afurika, AU. Gutorerwa kuwuyobora kwe byateje benshi guhangayika, nkuko byabaye kuri benshi bamubanjirije.
Ikinyamakuru Jeune Afrique dukesha iyi nkuru kivuga ko nyuma y’igihe gito atorewe kuyobora umuryango w’Ubumwe bwa Afurika bimwe mu bihugu byo mu Burayi na Amerika byatangiye kwijujuta bivuga ko itorwa rye rirasubiza inyuma umubano w’ibyo bihugu n’ibyo ku mugabane wa Afurika.
Ushinzwe itumanaho muri (...)

Robert Mugabe, Perezida wa Zimbabwe ufite imyaka 90 ni we uyoboye umuryango w’Ubumwe bwa Afurika, AU. Gutorerwa kuwuyobora kwe byateje benshi guhangayika, nkuko byabaye kuri benshi bamubanjirije.

Ikinyamakuru Jeune Afrique dukesha iyi nkuru kivuga ko nyuma y’igihe gito atorewe kuyobora umuryango w’Ubumwe bwa Afurika bimwe mu bihugu byo mu Burayi na Amerika byatangiye kwijujuta bivuga ko itorwa rye rirasubiza inyuma umubano w’ibyo bihugu n’ibyo ku mugabane wa Afurika.

Perezida wa Zimbabwe Robert Mugabe

Ushinzwe itumanaho muri Minisiteri y’Ububanyi n’Amahanga ya Canada, Rick Roth, ku wa 30 Mutarama yagize ati” Kuba Mugabe yatorewe kuyobora umuryango w’Ubumwe bwa Afurika ni urucantege. Ntagushidikanya ko Canada iha agaciro umubano n’ibihugu bya Afurika ariko iri torwa risenya ibikorwa byiza uyu muryango wa koze mu myaka ishize.”

Yongeyeho ati “ Tubona ibihugu bya Afurika biri hejuru y’imyitwarire mibi y’uriya muyobozi w’igitugu w’umugome wamaze igihe apyinagaza ubwisanzure n’agaciro k’abanyagihugu ayoboye.”

Abadipolomate benshi bagiye bagaragaza ko itorwa rya Mugabe ari amaherere yagwiriye Afurika.

Mugabe yagiye atemeranya na bimwe mu byo ibihugu bikomeye bifata nk’uburenganzira bwa muntu.

Avuga ku burenganzira bw’abatinganyi, Mugabe yavuze ko ari” babi kurusha imbwa n’ingurube.”

Perezida Mugabe kandi yahawe ibihano n’ibihugu bya Amerika n’U Burayi. U Bubligi bwo bavaniyeho igihugu cya Zimbabwe ibihano ariko bugumishaho ibirebana na Mugabe ku giti cye n’umuryango we birimo kubuzwa gukora ingendo mu mahanga.

Ntabwo ari we wa mbere uteje impagarara mu gihe ayoboye AU. Dore bamwe mu bamubanjirije bagiye bavugwaho menshi.

Mohamed Ould Abdel Aziz

Niwe usimbuwe na Perezida Mugabe. Ubwo yatorerwaga kuyobora AU muri Mutarama 2014 byateje impagarara kuko ari we wakoze kudeta ya mbere nyuma y’uko AU ishyizeho amategeko agenga demukarasi n’amatora.

Mohamed Ould Abdel Aziz ni we wari uyoboye ihirikwa rya Maaouya Ould Sid’Ahmed Taya muri 2005.

Isura y’igihugu cya Mauritanie ayoboye yahindanyijwe bikomeye n’abarwanya ubucakara bavuga ko cyabaye indiri yabwo.

Teodoro Obiang Nguema

Muri Gashyantare 2011, itorwa rya Perezida wa Guinee Equatoriale Teodoro Obiang Nguema ku buyobozi bwa AU ryanenzwe n’umuryango uharanira uburenganzira bwa muntu Human Rights Watch, HRW.

HRW yavugaga ko mu gihe cyose Obiang Nguema yayoboye Guinee, icyo gihugu cyaranzwe no guhonyora uburenganzira bwa muntu na ruswa ikabije kandi ibyo bihabanye n’icyo AU ishaka ko Afurika igeraho.

Mouammar Kadhafi

Nawe yateje impaka nyinshi ubwo yatorwaga n’abakuru b’ibihugu bya Afurika mu 2009. Icyo gihe yari yabwiye abakuru b’ibihugu bari mu nama yatorewemo kumwita “ Umwami w’abami gakondo ba Afurika.”

Kadhafi yashakaga ko habaho Leta Zunze Ubumwe za Afurika.

Umuryango w’Ubumwe bwa Afurika wagiye ugerageza kenshi kurwanya kugira umuperezida uwuyobora.

Mu 2010 wanze ko Kadhafi yongera gutorerwa indi manda, no mu 2006 na 2007 wanga kuyoborwa na Perezida wa Sudani Omar El-Bashir kubera uruhare yagize mu bwicanyi bwo mu gace ka Darfur akaba ashakishwa n’urukiko mpuuzamahanga mpanabyaha, ICC.

Perezida wa Sudani, Omar El-Bashir

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .