00:00:00 IGIHE NETWORK KN KINYARWANDA EN ENGLISH FR FRANCAIS

INDIBA Y’IBIVUGWA: Impamvu Amerika n’u Burayi bidakwiriye guha amasomo u Burusiya (Video)

Yanditswe na IGIHE
Kuya 14 April 2022 saa 09:38
Yasuwe :

Kuri ubu amaso yose ahanzwe u Burusiya na Ukraine mu ntambara imaze ukwezi n’iminsi ihanganishije ibihugu byombi. Imvura y’ibihano ikomeje kwisuka ku Burusiya buzizwa kwinjira muri Ukraine binyuranyije n’ubushake bw’u Burayi.

U Burusiya buvuga ko Ukraine yabaye ikibuga cy’abashaka guhungabanya umutekano wabwo ndetse n’indiri y’abafitiye urwango u Burusiya n’Abarusiya, bafite umugambi mubisha wo guhanagura icyo gihugu ku ikarita y’Isi binjiriye mu buyobozi bwa Ukraine.

Intambara imaze kwangiza byinshi ku ruhande rwa Ukraine ariko ubusabe bw’u Burusiya ni bumwe ngo buhagarike intambara, kwemeza ko Ukraine itazigera na rimwe yinjira mu Muryango w’Ubutabarane mu bya gisirikare wa OTAN cyangwa ngo ibogamire ku ruhande urwo ari rwo rwose mu mibanire yayo.

Amahanga yahagurutse ngo afungire amazi n’umuriro u Burusiya, igihugu cyahindanyirijwe isura mu bitangazamakuru mpuzamahanga nk’ikitagira impuhwe, cyavogereye ubusugire bw’ikindi kigenga.

Ibihugu bya Amerika n’u Burayi nibyo biyoboye inkubiri yo kugusha hasi u Burusiya bari basanzwe bahanganiye ubuhangange bwo kuyobora Isi.

Igitangaje ariko ni uburyo ibyo Abanyamerika n’Abanyaburayi bakubitira u Burusiya ibyo bo bamaze imyaka amagana babikora ndetse bo bakoze ibibi birenze nyamara nta n’umwe wigeze abibazwa haba mu butabera cyangwa se ngo abisabire imbabazi.

Kurikira Ikiganiro Indiba y’Ibivugwa, umenye ibyaha ndengakamere ibi bihugu bishaka guha isomo abandi, byakoze mu myaka y’ukuzamuka kwabyo kugeza n’ubu ku buryo iterambere ryabyo, ryubakiye ku mirambo myinshi n’imivu y’amaraso y’inzirakarengane, nyamara bigahindukira bigashaka guha abandi amasomo.

Ikiganiro Indiba y’Ibivugwa


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .