00:00:00 IGIHE NETWORK KN KINYARWANDA EN ENGLISH FR FRANCAIS

Ubuhamya bw’inkumi itunzwe no gukora ’body to body massage’

Yanditswe na Thamimu Hakizimana
Kuya 5 March 2024 saa 06:54
Yasuwe :

‘Body to body Massage’ ni ubwoko bwa massage ikorerwa mu byumba byihariye. Ukeneye iyi serivisi bamukubaho umubiri kandi uyitanga n’uyihabwa baba bambaye ubusa buri buri.

Ntisanzwe kuko nta mugore n’umwe ushobora kwakira cyangwa ngo ashimishwe n’uko umugabo we yagiye muri ’body to body massage’ kuko biba bigoye kwiyumvisha uburyo ashobora gutaha nta mibonano mpuzabitsina akoze.

Bitewe n’ukuntu abenshi bakunze kwibaza cyane kuri massage ya body to body ndetse bakayifata mu buryo butandukanye, IGIHE yaganiriye n’umwe mu bakobwa batunzwe no kuyikorera abagabo n’abasore.

Uyu mukobwa uvuka Karere ka Huye mu Ntara y’Amajyepfo akorera abasore n’abagabo ‘body to body massage’ mu igorofa rya nyuma riherereye mu nyubako iri mu Murenge wa Kimisagara mu Karere ka Nyarugenge.

Iyo muganiriye, avuga ko yize amashuri abanza gusa, nyuma ahita ajya mu Mujyi wa Kigali kwiga ibijyanye no gutunganya inzara n’imisatsi.

Iyi nkumi ikomeza ivuga ko nyuma yaje kugira mahirwe ibona akazi ko muri ‘saloon de coiffure’ ariko nyuma y’imyaka itatu ihita ikareka itangira gukora muri sauna.

Ati “Nakoze muri sauna nkajya nkorera massage abakiliya bamwe bakampa tip ku buryo ntaburaga ibihumbi 10Frw ntahana ku munsi cyangwa ibihumbi 20Frw.”

Uyu mukobwa akomeza avuga ko nyuma muri sauna haje kwaduka serivisi yitwa ‘body to body massage’, aho umukobwa akorera massage umugabo amukorakora ahantu hose, bose bambaye ubusa, maze nawe atangira kujya ayikorera abayifuza kubera ko yari iharawe cyane inarimo amafaranga.

Yemeza ko iyi massage ya body to body idasanzwe kuko n’iyo umukiliya yifuje gukora imibonano mpuzabitsina hari amafaranga yishyura akayikora.

Ahamya ko ku munsi ashobora kuyikorera nk’abantu babiri cyangwa batatu, buri wese amwishyra ibihumbi 30 Frw cyangwa ibihumbi 25 Frw.

Ati “Iyo uje ushaka ko nyigukorera ubanza ukishyura aho bakirira abantu (kuri reception) 6000Frw byabo, hanyuma nawe akaza kumpa ibihumbi 30 Frw cyangwa se ibihumbi 25 Frw, uretse ko nayo hari igihe ushobora kuyarenza bitewe nawe uburyo wabonye nagushimishije.”

Yemeza ko ku kwezi ahembwa ibihumbi 80 Frw, ariko igihe ukwezi kwamugendekeye neza adashobora kubura ibihumbi 500Frw aba yakuye mu bo yakoreye iyi massage.

Ati “Umushahara uba ari muke ahubwo amafaranga menshi umuntu abona ni aya tip bagenda baguha, kuko hari uza akaguha ibihumbi 10 Frw cyangwa 5000 Frw, ariko amafaranga menshi burya uyabona iyo haje umuntu ushaka body to body massage kuko aho ntubura ibihumbi 30 Frw cyangwa ibihumbi 25 Frw byawe utahana.”

Yakomeje avuga ko zimwe mu ngorane bahura nazo harimo kwamburwa n’abakiliya baba bakoreye iyi massage.

Ati “Hari igihe umuntu umuha serivisi ukamukorera ikintu cyose yifuza ariko nyuma akanga kukwishyura noneho kubera ko uba wanga kwiteza nk’umukoresha wawe ukaryumaho, icyo ni kimwe mu bibazo duhura nabyo ikindi ni uko abantu bagufata uko utari kandi byose uba ubikora kugira ngo wibonere amafaranga.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .