Icyo bamwe babwiye abakunzi babo kuri “Saint Valentin”

Yanditswe na

Faustin Nkurunziza na Rachel Mukandayisenga

Kuya 13 Gashyantare 2012 saa 04:59
Yasuwe :
0 0

Tariki ya 14 Gashyantare ni Umunsi w’Abakundana; twageze muri “Gift Super Market” ahari hateraniye abantu benshi bari baje kugurira impano abakunzi babo badutangariza ibintu bitandukanye.
Abenshi baganiriye na IGIHE.com badutangarije ko bishimira kuba Gift Super Market ikomeje kubagezaho ibyo bateganya guha abakunzi babo ku munsi w’abakunda wa Saint Valentin, dore ko ngo uretse uyu munsi babitaye no mu myaka yashize yabafashize kwita ku bakunzi babo.
Akayezu Jeanne D’arc twamusanze muri “Gift (...)

Tariki ya 14 Gashyantare ni Umunsi w’Abakundana; twageze muri “Gift Super Market” ahari hateraniye abantu benshi bari baje kugurira impano abakunzi babo badutangariza ibintu bitandukanye.

Abenshi baganiriye na IGIHE.com badutangarije ko bishimira kuba Gift Super Market ikomeje kubagezaho ibyo bateganya guha abakunzi babo ku munsi w’abakunda wa Saint Valentin, dore ko ngo uretse uyu munsi babitaye no mu myaka yashize yabafashize kwita ku bakunzi babo.

Akayezu Jeanne D’arc twamusanze muri “Gift Super Market” ahahira umugabo we icyo ari bumuhe kuri uyu munsi w’abakundana yagize ati:"Abibwira ko Saint Valentin yitabirwa n’urubyiruko gusa baribeshya, kuko natwe abakuze turawuzirikana twita ku bagabo bacu”.

Akayezu wanifurije umunsi mwiza w’abakundana umugabo we ukora umwuga w’umunyamakuru Nsengiyumva Francis, yadutangarije ko abantu bakwiye kujya bafata umwanya bagaha abakunzi babo impano zitandukanye kuko bikomeza urukundo hagati y’abakundana.

Ujeneza Nadine nawe wari waje kugugurira umukunzi we impano muri Gift Super Market yavuze ko uyu munsi udasanzwe kuko ngo ariwo ugomba kugaragarizaho umukunzi wawe ko umukunda, umuha utuntu dushimishije cyane ndetse ngo mukabasha no kuganira ku bijyanye n’urukundo rwanyu.

Yavuze ko hari abafata nabi uyu munsi wa Saint Valentin, ugasanga bajya mu ngeso mbi z’ubusambanyi mu rwego rwo kwishimisha kandi atariko byagakwiye, kuko ngo kuryamana bitemewe ku bantu batararushinga.

Ujeneza Nadine uvuga ko yiteguye gusohokana n’umukunzi we bakaganira yagize ati:"Kubabikora bamenye ko ari icyaha ku Mana”.

Sibomana, w’imyaka 24 avuga ko umunsi wa ‘Saint Valentin’ ari umunsi wo guhabwa agaciro, ku buryo iyo wegereje agura impano y’umukunzi we mbere y’uko uwo munsi ugera kugira ngo igihe kitazamugereraho nta mpano afite.

Agira ati : ” Uyu munsi ndawubaha cyane, kuko hari icyo wongera mu rukundo rwacu ”.

Sibomana avuga ko umunsi wa ‘Saint Valentin ‘ ufite agaciro kuko ahanini usanga iyo wari umaze iminsi warashwanye n’umukunzi wawe muhita mwiyunga.

Ati : ”Iyo mu maze iminsi mutavugana neza ukamushyira ururabo cyangwa akandi kantu uburakari buhita buyoyoka mukiyunga mutabizi”.

Kamanzi wifuje ko dutangaza izina rimwe ryonyine yagize ati : « Ejo nari navuye ku musura tuganira nyinshi mu rwego rwo kumwibutsa ko muzirika, kuko ndamifuriza umunsi mwiza kandi akomeze kumva ko mutekereza cyane.»

Umuyobozi wa “Gift super Market, Amon Sanzira yavuze ko yatangiye kuzana impano zagenewe abakundana mu mwaka 2000, amaze kubona ko mu Mujyi wa kigali byari bikenewe cyane kandi nta bandi babikoraga icyo gihe.

Yavuze ko buri mwaka ategura ibintu bishya bishimisha abamugana cyane cyane abagura amakarita y’abakundana, indabo ndetse n’imitako idasaza yagenewe abakundana.

Yakomeje avuga ko akarusho kuri uyu mwaka yateguriye abakiriya be ari “gateaux” na keke zanditseho amazina y’abo bakunda.

Nsanzira ufite umugore n’abana babiri, avuga ko icyo akorera umugore we kuri uyu munsi wa Saint Valentin ari ukumubwira ko amukunda nk’uko asanzwe abigenza.

Akayezu Jeanne d'Arc wifurije umugabo we umunsi mwiza
Amon Nsanzira Manager wa Gift super Market
Uhereye ibumoso hari Mama Prince Umugore wa Amon Nsanzira na Anitha Umukozi muri Gift Super Market

Izi ni zimwe mu mpano abantu benshi bakomeje kugura muri Gift Super Market

Foto: Nkurunziza


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .