Urwenya: Coronavirus yatitije benshi

Yanditswe na IGIHE
Kuya 19 Kanama 2020 saa 02:47
Yasuwe :
0 0

Umugabo yagiye gutambutsa ishimwe mu rusengero ageze imbere ati “Ndashima Imana ko hari umuntu wanjye umaranye iminsi Coronavirus ariko ubu ikaba yarayimukijije”.

Arangije gushima Imana ashaka guhereza mikoro uwari umukurikiye ariko undi yanga kuyakira, ati “Njye nta shimwe mfite uyu munsi, yihereze Mwarimu”.

Mwarimu ati “Si njye ushinzwe iby’amashimwe, yihereze Umushumba”.

Umushumba ati “Mwene Data, iyo mikoro ni iyawe. Ni impano itorero ryakugeneye, ushobora kuyitahana iwawe”.

2. Umuhungu yakundanye n’umukobwa bahuriye kuri Facebook, barakundana bahana na nimero za WhatsApp. Umunsi umwe umukobwa ahamagara umuhungu ati “Cheri, uri he ko ngukumbuye?”, umusore ati “Ndi iwanjye nicaye mu busitani ndasharamye.”

Umukobwa ati “Ifotore unyereke ifoto.” Umuhungu bihuza n’uko yari arimo kugenda mu muhanda, abona igipangu cyiza imbere kirimo ubusitani, abuhagararamo arifotora ayoherereza umukobwa kuri WhatsApp.

Umukobwa ifoto arayitegereza, aramusubiza ati “Niba ari aho uri reka nsohoke ngusuhuze uri iwacu”!!


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .