Kevin Hart yavuye mu bitaro nyuma y’impanuka ikomeye aheruka gukora

Yanditswe na Uwiduhaye Theos
Kuya 12 Nzeri 2019 saa 12:53
Yasuwe :
0 0

Umunyarwenya wo muri Leta Zunze Ubumwe za Amerika, Kevin Hart, yasezerewe mu bitaro nyuma yo kujyanwamo igitaraganya mu minsi ishize, kubera impanuka y’imodoka yakoze.

Mu ntangiriro za Nzeri 2019 nibwo Umunyarwenya Kevin Hart yakoze impanuka yebereye mu mujyi wa Calabasas muri Leta ya California, ahita ajyanwa mu bitaro ku buryo ingingo zimwe ze zangiritse.

TMZ yatangaje ko Kevin Hart yavuye mu bitaro, akaba yajyanywe mu kigo kigiye gukomeza kwita ku ngingo z’umubiri we, ariko naho agomba kuhava vuba bishoboka akajyanwa iwe.

Iki kinyamakuru cyavuze ko amakuru cyakuye mu nshuti z’uyu mugabo avuga ko na we yishimiye uko amerewe ubu.

Ubwo yakoraga impanuka, Polisi yemeje we n’uwari umutwaye Jared Black bakomeretse cyane, umwe ajyanwa ku bitaro bya Northridge Hospital Medical Center undi ajyanwa kuri Ronald Reagan UCLA Medical Center.

Umugore wari muri iyi modoka we ntabwo yakomeretse bikabije. Jared Black wari utwaye imodoka ya Kevin Hart yo mu bwoko bwa 1970 Plymouth Barracuda, ngo yaje kunanirwa kuyiyobora ita umuhanda igonga urukuta rw’amabuye.

Icyo gihe Polisi yatangaje ko mu byaba byarateye impanuka hatarimo ubusinzi kuko ubwo yabaga umushoferi yari muzima. Iyi modoka yakoze impanuka ni iyo Kevin Hart yari aherutse kugura muri Nyakanga, ubwo yizihizaga isabukuru y’imyaka 40.

Imodoka ya Kevin Hart yangiritse bikomeye kubera impanuka
Uyu munyarwenya yasezerewe mu bitaro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza