00:00:00 IGIHE NETWORK KN KINYARWANDA EN ENGLISH FR FRANCAIS

‘Gen-z Comedy Show’, igitaramo cy’abanyarwenya gikomeje gutanga ibihe byiza

Yanditswe na Uwase Kevine
Kuya 19 Ugushyingo 2022 saa 12:04
Yasuwe :

Buri wa Kane, inshuro ebyiri mu kwezi abanyarwenya bo muri ‘Gen-z comedy’ bataramira Abanyakigali bakananirwa gutaha kubera impano z’aba banyarwenya bakiri bato.

Gen-z Comedy ni sosiyete y’abanyarwenya yashinzwe n’uwitwa Ndaruhutse Merci uzwi ku izina rya Fally Merci.

Uwitwa Ishimwe Angelo Kenny uzwi ku izina rya Muhinde, kubera ubugufi bwe buri rwenya atera akomoza ku burebure bwe, avuga ko ari amabasaderi wa Kenny Sol na Okkama.

Mu rwenya avuga ko abantu bagufi bafite amafaranga batajya bababwira ko ari bagufi, ahubwo mu rwego rwo kububaha bababwira ko bafite impamvu yatuma Yesu arara iwabo.

Gen-z Comedy ni igitaramo kitabirwa n’ibyamamare bitandukanye bizwi mu muziki nka Juda Muzik, Chriss Eazy, Rumaga n’abandi barimo n’abazwi mu gusobanura filime nka Rocky, Junior Giti, Dylany, Sankara ndetse na basanzwe bakora mu urwenya.

Junior wo mu itsinda rya Juda Muzik avuga ko iyo muri Gen-z Comedy adasiba habaye igitaramo. Fally Merci, Admin na Muhinde ni bamwe mu bo akunda imikorere yabo mu gutera urwenya.

Yagize ati “ Gen-z Comedy irimo impano nyinshi, umuntu ntakwiye gucikwa. Kuhagera ugataha unezerewe kandi washyigikiye mugenzi wawe nta gisa nka byo.”

Mu Rwanda gutera urwenya ni mwe mu mwuga umaze gutera imbere ariko ni gake ugaragaramo igitsina gore.

Uwitwa Nicole uzwi ku izina rya Nyabitanga udasiba mu gihe igitaramo cya Gen-z comedy cyabaye ashishikariza abakobwa biyumvamo impano ko bakwiye gutinyuka na bo bakinjira muri Gen-z Comedy.

Umusizi Rumaga mu bitabira Gen-Z Comedy Show
Nicole uzwi nka Nyabitanga ashishikariza abakobwa kwigaragaza kuko na bo bashoboye
Promesse Kamanda agera aho agasusurutsa abitabiriye kandi ari mu bitabiriye igitaramo
Sankara uzwi mu gasobanuye mu gitaramo cya Gen-Z Comedy Show
Junior wo mu itsinda rya Juda Muzik avuga ko kutaboneka muri Gen-Z Comedy Show ari uguhomba
Rufendeke ataramira abitabiriye Gen-Z Comedy Show

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .