00:00:00 IGIHE NETWORK KN KINYARWANDA EN ENGLISH FR FRANCAIS

Anne Kansiime yasesekaye i Kigali, yizeza gusigira Abanyarwanda ibyishimo (Amafoto)

Yanditswe na Mahoro Vainqueur
Kuya 25 Nzeri 2022 saa 08:58
Yasuwe :

Umunyarwenya Kansiime Kubiryaba Anne, umwe mu bakunzwe cyane mu karere yageze i Kigali gutaramira abakunzi be mu gitaramo ngaruka kwezi cy’urwemya ‘Seka Live’ gitanyijwe kuri iki Cyumweru tariki 25 Nzeri 2022..

Uyu munyarwenya ufatwa nk’Umwamikazi w’urwenya muri Afurika (Africa’s Queen Of Comedy), agarutse mu Rwanda nyuma y’imyaka itanu akoreye igitaramo muri Kigali Serena Hotel cyanyeganyeje imbavu zabacyitabiriye.

Uyu munyarwenya yageze I Kigali ku isaha ya saa tatu z’ijoro ryo kuri uyu wa 24 Nzeri 2022, atangaza ko yiteguye gufasha abaturarwanda gusoza ukwezi kwa Nzeri bameze neza cyane.

Kansiime w’imyaka 36 avuga ko akunda gutaramira mu Rwanda gusa ngo ntiyumva neza kuntu imyaka itanu yashize atahagera .

Ati “Dukeneye kubyibazah gusa ndababwiza ukuri tuzaseka! ”

Kansiime wabonaga yishimiye kugaruka i Kigali aritabira igitaramo cya Seka Live kizabera muri Kigali Conference and Exhibition Village ahazwi nka Camp Kigali.

Ni igitaramo aza guhuriramo n’abandi banyarwenya batandukanye barimo Ndaruhutse Merci uzwi nka Fally Merci, Andrew Ondongo , Okello Hirray , Herbert Admin , Tycoon na Joseph.

Ni igitaramo kizayoborwa na Arthur Nkusi, kije gikurikira ikindi cyateguwe na Arthur Nation cyiswe inkuru ya Rusine.

Kansiime agarutse mu Rwanda ari umubyeyi w’umwana w’umuhungu yabyaranye n’umunyamuziki Abraham Tukahiirwa uzwi nka Skylanta umwaka ushize wa 2021.

Kansiime Anne yishimiye kugaruka mu Rwanda, igihugu afiteko abakunzi benshi
Kansiime Anne yakiriwe n'abarimo Arthur Nkusi
Anne Kansiime aganira mbere y'uko yinjira mu modoka imwerekeza kuri Hotel
Abanyarwenya Kansiime na Arthur Nkusi bijeje abaturarwanda igitaramo cy'urwenya kidasanzwe
Kansiime yijeje abaturarwanda igitaramo cyiza
Kansiime yavuze ko na we atumva uburyo amaze imyaka itanu atagera mu Rwanda

Amafoto: Irakiza Yuhi


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .