00:00:00 IGIHE NETWORK KN KINYARWANDA EN ENGLISH FR FRANCAIS

Umugore wa 2Face yakuwe muri filime ‘Young, Famous and African’

Yanditswe na Mahoro Vainqueur
Kuya 17 Mutarama 2023 saa 01:50
Yasuwe :

Mu gihe benshi bategerezanyije amatsiko menshi igice cya kabiri cya Filime ‘Young, Famous and African (YFA)’ kuri ubu byatangajwe ko hari impinduka zabaye ku bakinnyi bayo barimo Annie Idibia, umugore wa 2Face Idibia utazongera kuyigaragaramo.

Nyuma ya episode zirindwi zigize Season ya Mbere, Netflix yatangaje ko Season ya Kabiri yamaze gutunganywa izasohoka muri uyu mwaka 2023.

Umwe mu bategura iyi filime yabwiye Nation Africa ko iyi filime izasohoka mu mpera ya Gashyantare gusa hakazaba harimo impinduka nto ku bakinnyi bayo.

Ati “Hatagize igihinduka iyi filime izasohoka muri Gashyantare cyangwa Werurwe, gusa hazaba harimo impinduka nto mu bakinnyi bayo ”

“Annie Macaulay-Idibia ni wenyine utazagaruka muri iyi filime, abandi bose bazaba barimo. Undi muntu mushya mwakitega ni Bonang (Matheba) uzagaragara muri episode enye gusa.”

Bonang Matheba w’imyaka 35 ni umunyamakuru akaba n’umuyobozi w’ibiganiro byo kuri televiziyo ukunzwe na benshi muri Afurika y’Epfo.

Annie Macaulay-Idibia wakuwe muri iyi filime aherutse gutangaza ko yatengushwe cyane n’abategura iyi filime bayihaye ubuzima bigatuma atukwa cyane ku mbuga nkoranyambaga.

Avuga ko hari ibice byinshi bahinduye yabonaga ko ari ngombwa, bashyiramo amashusho menshi afata nk’ayamugaragaje mu buryo butandukanye n’uko ari, asaba ko yasibwa muri iyi filime.

Benshi bategereje kureba ibizakurikira Season ya mbere yarangiye Diamond Platnumz yasubiye i Johannesburg ageze mu rugo rw’uwahoze ari umukunzi we Zari Hassan, amutura ibyiyumvo amufitiye.

Iyi filime yatangiye gusohoka muri Werurwe 2022 igaragaza imibereho y’ibyamamare byo ku Mugabane wa Afurika.

Young, Famous and African igaruka ku ubuzima bw’ibi byamamare, urukundo rwabo, amakimbirane, n’akazi kabo ka buri munsi mu mujyi wa Johannesburg muri Afurika y’Epfo n’ahandi.

Annie Idibia utazongera kugaragara muri iyi filime, Khanyi Mbau na Zari Hassan ni bamwe mu bakunzwe cyane
Igice cya mbere kirangira Diamond Platnumz asubiye muri Afurika y'Epfo agiye gusura uwahoze ari umukunzi we Zari The Boss Lady akamusangiza ibyiyumvo amufiteho
Kayleigh Schwark akina ari umukobwa w'imyaka 28 ukundana na DJ Naked w'imyaka 40 gusa kubera umubano wabo uba utameze neza ahora agisha inama inshuti ze zirimo Nadia na Khanyi
Zari Hassan muri iyi filime agaragara nk'umugore ukunda ubushabitsi cyane no kubyaza umusaruro inkuru zimuvugwaho , gusa aba atumvikana na Annie na Khanyi, nyuma yo gutandukana na Diamond, Zari acudika na Andile
Nadia Nakai ukina ari umuraperikazi akaba inshuti ya Khanyi , abengukwa na Diamond Platnumz akigera muri Afurika y'Epfo
Khanyi Mbau muri iyi filime benshi bamwita gold-digger kubera ko akina ari umukobwa uhora yishakira abagabo bakize akabacucura utwabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .