Kuri iki Cyumweru nyina wabo wa Angelina Jolie witwa Debbie Martin yahitanywe na kanseri y’amabere. Apfuye afite imyaka 61 aguye mu bitaro bya Escondido muri California.

Ibi bibaye nyuma y’aho uyu mukinnyi w’icyamamare mu mafilimi atangarije ko aheruka kwigagisha amabere inshuro ebyiri mu rwego rwo kwigabanyiriza ibyatuma yandura iyi ndwara.

Nyina wa Angelina Jolie nawe yahitanywe n’iyi ndwara ya kanseri mu 2007.
Uretse gukina amafilimi, Angelina Jolie, w’imyaka 37 ni n’intumwa idasanzwe y’Umuryango w’Abibumbye.

Muri Werurwe, Angelina Jolie ari kumwe n’Umunyamabanga wa Leta y’u Bwongereza ushinzwe ububanyi n’amahanga, William Hague, basuye u Rwanda.

Debbie Martin, nyina wabo wa Angelina Jolie wahitanywe na kanseri

Angelina Jolie ari kumwe na nyina we Marcheline Bertrand nawe wishwe na kanseri