Harvey ukomoka mu Bwongereza yasobanuye ko umugore uri muri iyi filimi wahawe izina ‘Martha’ yamwitiriwe, aho akina ahohotera umugabo akaza no gufungwa imyaka itanu.
Nk’uko BBC yabitangaje, uyu Mwongerezakazi yasobanuye ko umwanditsi w’iyi filimr yabeshye, agakabiriza inkuru kugira ngo iryohe, inakundwe cyane.
Iyi filime yanditswe n’umunyarwenya Gadd Richard, nk’inkuru mpamo y’ibyamubayeho ubwo yakoraga mu kabari yahuriyemo na Harvey Fiona. Yagaragaje ko uyu mugore yamugendagaho, akamuhohotera.
Ariko ibi Harvey ntabyemera na gato, ahubwo yavuze ko Netflix yakoze ikosa ryo kutabanza kugenzura neza niba koko ibyo uyu mugabo yanditse ari ukuri cyangwa se ngo irebe umubano wari hagati y’aba bombi.
Netflix itemera ikosa ishinjwa na Harvey, yatangaje ko ishyigikiye Richard Gadd kubera ko ari uburenganzira bwe kwandika filime uko abyifuza.
Uru rubanza rw’uyu mugore na Netflix ruri kubera mu rukiko ruri muri California. Harvey yasabye indishyi y’akababaro ya miliyoni 170 z’amadolari kandi ngo yizeye ko azatsinda.

TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!