Jennifer Lawrence w’imyaka 24 y’amavuko ni we waje ku isonga ry’abakinnyi bakinnye filime muri Hollywood zikinjiza amafaranga menshi mu mwaka wa 2014 nk’uko byashyizwe ahagaragara n’ikinyamakuru Forbes Magazine.

Uyu mukobwa yaje kuri uyu mwanya kubera amafaranga yasaruwe muri filime yakinnye zigakundwa cyane ndetse zikinjiza menshi: “The Hunger Games: Mockingjay – Part 1″ na “X-Men: Days of Future Past”. Mu mwaka wa 2014 izi filime zinjije amadorali 1,400,000,000.

Jennifer Lawrence ayoboye abakinnyi ba filime i Hollywood binjije akayabo muri 2014

Ku mwanya wa kabiri hari umukinnyi wa filime Chris Pratt, izo yakinnye ‘Guardians of the Galaxy’ na The Lego Movie. zinjije miliyari imwe na miliyoni 200 z’amadorali.

Scarlett Johansson , umuhanzi akaba n’umukinnyi ukomeye wa sinema ari ku mwanya wa gatatu n’amadorali miliyari imwe na miliyoni 18. Amafaranga menshi yavuye muri filime “Captain America: The Winter Soldier”. Yo ubwayo yamwinjirije miliyoni 714 z’amadorali.

Scarlett Johansson

Abakinnyi 10 ba mbere bakinnye filime zikinjiza akayabo i Hollywood muri 2014:

1) Jennifer Lawrence (miliyari imwe na miliyoni 400)
2) Chris Pratt (miliyari imwe na miliyoni 200)
3) Scarlett Johansson (miliyari imwe na miliyoni 18)
4) Mark Wahlberg (miliyari y’amadorali)
5) Chris Evans (miliyoni 801)
6) Emma Stone (miliyoni 764)
7) Angelina Jolie (miliyoni 758)
8) James McAvoy (miliyoni 747)
9) Michael Fassbender (miliyoni 746)
10) Hugh Jackman (miliyoni 746)

N.B: Aya mafaranga abaze mu madorali.