Igice cya 4 cya filimi yamamaye ya Rwasibo cyagiye ku isoko

Yanditswe na

IGIHE

Kuya 14 Ukuboza 2014 saa 06:28
Yasuwe :
0 0

Ku waba aheruka kureba uko mu gice cya gatatu cya filimi Rwasibo uyu Rwasibo yiba umukunzi (fiancé) wa Alba akamufunga ngo abe ingwate izatuma yica Alba, ubu amatsiko agiye gushira kuko igice cya kane cyari gitegerejwe guhera kuri uyu wa Mbere kizashyirwa hanze hanze.
Iki gice gihishura uko uyu Rwasibo wari inshuti na se wa fiancé ya Alba azitwara n’amayeri yose azakoresha kugira ngo agere ku ntego yihaye yo kuzica Alba.
Iyi filimi Rwasibo benshi bayikundiye ko irimo ibyamamare byinshi (...)

Ku waba aheruka kureba uko mu gice cya gatatu cya filimi Rwasibo uyu Rwasibo yiba umukunzi (fiancé) wa Alba akamufunga ngo abe ingwate izatuma yica Alba, ubu amatsiko agiye gushira kuko igice cya kane cyari gitegerejwe guhera kuri uyu wa Mbere kizashyirwa hanze hanze.

Iki gice gihishura uko uyu Rwasibo wari inshuti na se wa fiancé ya Alba azitwara n’amayeri yose azakoresha kugira ngo agere ku ntego yihaye yo kuzica Alba.

Iyi filimi Rwasibo benshi bayikundiye ko irimo ibyamamare byinshi nk’uzwi ku izina rya Ryangombe muri filimi ya Ryangombe, uzwi nka Nkaka muri filimi Serwakira, uzwi nka Leagan muri filimi Nzozi, uzwi nka Nelly muri Rwasa n’abandi.

Aganira na IGIHE, Theo Bizimana, Umuyobozi wa Silver Film Production yagize ati “Kuva kuri uyu wa Mbere, iyi filimi ya Rwasibo igice cya kane iri gucururizwa hose mu Mujyi wa Kigali, guhera mu gikari cya Fantastic, hafi yo kwa Rubangura, Nyabugogo n’ahandi hose hacururizwa filimi nyarwanda.”

Filimi Rwasibo irimo abakinnyi b'ibyamamare yasohotse

Yongeraho ko guhera ku wa kabiri iki gice cya kane cya Filimi Rwasibo kiza kuba kiri hose mu gihugu ahasanzwe hacururizwa filimi nyarwanda.

Theo, wakoze akanayobora filimi zakunzwe mu Rwanda nka Rwasa, Ryangombe n’izindi avuga ko iki gice kizahita gikurikirwa n’icya gatanu, bityo ko Abanyarwanda bakwiye kugura vuba iki gice ngo batazacikanwa n’ikizahita gikurikiraho mu kujya ku isoko.

Bizimana agira ati “Filimi Rwasibo yarangiye gukorwa mu kwezi kwa munani, ifite ibice bitanu, ku batarayibona ni filimi y’ibikorwa n’imirwano (Filme d’Action) ivanzemo inkuru z’urukundo. Ku bamenyereye kureba fillimi zacu Rwasibo irimo umwihariko duhorana wo gukinisha abakinnyi b’ibyamamare kandi b’abahanga, bityo ubu twashyize hanze igice cya kane nyuma tuzakurikizaho icya gatanu, tugenda turushaho kumara amatsiko abarebye ibice bya mbere, ibibazo bimwe abantu bibazaga tubibasubiza.”

Theo Bizimana, Umuyobozi wa Silver Film Production wayoboye iyi filimi ya Rwasibo

Asoza asaba Abanyarwanda gushishoza bakajya bagura filimi z’umwimerere zitari iz’inyiganano agira ati “Filimi igura igihumbi kandi iba iriho agashusho k’umubumbe w’Isi, kometse inyuma y’igifuniko no kuri DVD y’umweru.”

Mu Rwanda uruhando rw’imyidagaduro by’umwihariko urwa Sinema rugenda rurushaho kwaguka, ku buryo filimi nk’izi zigenda zirushaho gutera imbere zinagaragaza ubuzima nyabwo abanyarwanda babayemo n’ingorane za buri munsi bahura nazo.

Reba HANO amwe mu mashusho agaragara muri filimi Rwasibo:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .