Muri ibi bihembo ‘Watchmen’ yegukanye 11, birimo icy’umukinnyi w’umugabo w’imena muri filime y’uruhererekane irangira, cyahawe Jeremy Irons wakinnye muri iyi filime, icy’umukinnyi w’umugore w’imena muri filime y’uruhererekane irangira cyahawe Regina King n’ibindi.

Naho ‘Schitt’s Creek’ yegukanye ibihembo icyenda bitandukanye birimo icy’umukinnyi w’imena muri filime y’uruhererekane isetsa cyahawe Eugene Levy, icy’umukinnyi w’imena w’umugore muri filime y’uruhererekane yo gusetsa gihabwa Catherine O’Hara.

Catherine O’Hara w’imyaka 66, yashimiye abagize uruhare rukomeye muri iyi filime ati “Nzahoye nshimira Daniel Levy na Eugene Levy (aba nibo batunganyije iyi filime), ku bwo kunyizera bakampa amahirwe ku myaka nk’iyo mfite.”

Izindi filime nka ‘Succession’ na ‘The Mandalorian’ zatwaye ibihembo birindwi mu gihe ‘RuPaul’s Drag Race’ na ‘Saturday Night Live’ zatwaye bitandatu.

Ibihembo bya Emmy Awards bitangwa mu rwego rwo guha agaciro imirimo y’abakora ibijyanye na filime. Bitangirwa muri Leta Zunze Ubumwe za Amrika iby’uyu mwaka byatangwaga ku nshuro ya 72. Iby’uyu mwaka byayobowe na Jimmy Kimmel.

Kanda hano urebe abahawe ibihembo bose

Succession ni imwe muri filimi zegukanye ibihembo