00:00:00 IGIHE NETWORK KN KINYARWANDA EN ENGLISH FR FRANCAIS

Barack Obama na Chadwick Boseman mu batsindiye Emmy Awards

Yanditswe na Mahoro Vainqueur
Kuya 5 September 2022 saa 08:51
Yasuwe :

Perezida wa 44 wa Leta Zunze Ubumwe za Amerika, Barack Hussein Obama, yatsindiye igihembo cy’indashyikirwa cya Emmy Awards biturutse ku musanzu we muri filime mbarankuru ya Netflix yiswe “Our Great National Parks.”

Ibi byatumye aba Perezida wa Kabiri wa Amerika wegukanye iki gihembo nyuma ya Dwight Eisenhower wagihawe nk’umuyobozi w’icyubahiro ubwo yari akiri ku buyobozi mu 1956 ari Perezida wa 34 wa Leta Zunze Ubumwe za Amerika.

Kuba Obama yabashije kwegukana iki gihembo byatumye yiyongera ku rutonde rwa EGOT ruriho abantu 17 babashije kwegukana ibihembo birimo Emmy, Grammy, Oscars na Tony.

Obama yatsindiye ibihembo bibiri bya Emmy kubera ibitabo bye bibiri “The Audacity of Hope” na “A Promised Land”.

Ibi bihembo byatanzwe mu ijoro ryo ku itariki 03 Nzeri 2022, umukinnyi wa filime Chadwick Boseman yahawe icyubahiro anahabwa igihembo kubera uruhare yagize muri filime “What If…?” ya Disney + aho akoresha ijwi rye [voice-over] nka Lord T’Challa.

Uyu Chadwick Boseman wamenyekanye cyane muri “Black Panther”, yitabye Imana mu 2020 afite imyaka 43 azize kanseri.

Emmy Awards ifatwa nka kimwe mu bihembo bine bikomeye muri Amerika mu cyiciro cy’abakora ubuhanzi, ikinamico n’imyidagaduro nyuma ya Grammy, Oscars na Tony.

Barack Obama na Chadwick Boseman mu batsindiye Emmy Awards

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .