00:00:00 IGIHE NETWORK KN KINYARWANDA EN ENGLISH FR FRANCAIS

Agaciro ka Squid game kazamutseho 24% nyuma yo gutangaza ko hagiye gusohoka igice cya kabiri

Yanditswe na Léana Bisa
Kuya 14 June 2022 saa 01:19
Yasuwe :

Nyuma y’igihe agace ka mbere gasohotse, Netflix yatangaje ko agace ka kabiri ka Filime ‘Squid Game’ kagiye gusohoka.

Ayo makuru yatumye agaciro k’iyi filime y’uruhererekane ku isoko ry’imari n’imigabane muri Aziya, kazamukaho 24%.

Umwanditsi akaba n’uwayisohoye, Hwang Dong-hyuk, yanditse mu itangazo ryasohotse ku rubuga rwa Netflix ko bagiye gusohora agace ka kabiri gakomeza kwerekana urugendo rwa Gi-Hun watsinze umukino mu gace ka mbere ndetse hazemo n’abandi bakinnyi bashya.

Bucket Studio Co ifite imigabane mu kigo gihagarariye umukinnyi ukina Gi-Hun muri filime, yagaragaje ko agaciro k’imigabane kiyongereyeho hafi 24% i Seoul muri Koreya y’Amajyepfo.

Squid Game ni filime ikinirwa muri Koreya y’Amajyepfo ndetse ikinwa n’Abanya-Korea yerekana umukino wateguwe n’abaherwe batandukanye.

Muri uwo mukino abantu batandukanye baba babayeho mu bukene, bafite n’amadeni batabasha kwishyura bakarushanwa mu mikino itandukanye inabaviramo urupfu kugira ngo batsindire amafaranga.

Ni Filime yinjirije Netflix kurusha izindi filime zose kuko na nyuma yaho izindi sosiyete zikora filime nka Walt Disney Co, Apple Inc na Warner Media zatangiye gushora imari mu filime z’Abanya-Koreya kugira ngo bongere umubare w’abareba filime zabo.

Iyi filime yateje imbere izikorwa n’Abanya-Koreya kuko nyuma yaho abantu benshi batangiye kujya bareba n’izindi filime zakozwe na bo.

Squid Game ni imwe muri filime zakunzwe cyane kuri Netflix

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .