Abahanga muri Sinema ku Isi bazatanga amahugurwa muri Kigali Film Festival

Yanditswe na Akayezu Jean de Dieu
Kuya 13 Nzeri 2018 saa 01:19
Yasuwe :
0 0

Abategura Iserukiramuco rya Sinema ‘Kigali Film Festival’ rigiye kuba ku nshuro ya 14 mu Rwanda, batangaje ko rizitabirwa n’abahanga muri Sinema ku Isi, bazatanga amahugurwa ku bakinnyi n’abafite impano babyifuza bo mu Rwanda.

Iri serukiramuco ryateguwe na Kwetu Film Institute ifatanyije na n’Ishyirahamwe rya Sinema mu Rwanda, ku nsanganyamatsiko igaruka ku ‘Umurage’, rizatangira ku wa Gandatu tariki 16 Nzeri risozwe ku wa 21 Nzeri 2018.

Ndahiriwe David uri mu bari gutegura iri serukiramuco yabwiye IGIHE ko ari umwanya wo kwibuka no kugaruka ku mateka ya sinema muri Afurika, by’umwihariko harebwa ku bantu bagiye bakora filimi mu myaka yo hambere.

Yakomeje avuga ko hazaba harimo n’umwihariko w’abahanga mu bya sinema bazaturuka hirya no hino baje gutanga amasomo ku buntu, bahugura abakinnyi n’abafite impano babyifuza.

Yagize ati “Hazaba harimo filimi nyinshi zo kwerekana zirimo izo mu Rwanda n’izakorewe hirya no hino ku Isi kandi ikazaba ifite umwihariko w’uko hazaba harimo abahanga mu gukina filimi bazatanga amasomo anyuranye muri sinema ku buntu.”

Ndahiriwe yakomeje avuga ko iri serukiramuco rizabera mu bice bitandukanye by’igihugu harimo i Kigali, Karongi na Rubavu

Mu mujyi wa Kigali izi filimi zizamurikirwa i Nyarutarama kuri Portofino hotel ari naho hazabera umuhango wo gufungura ku mugaragaro iri serukiramuco.

Iri serukiramuco rizakomeza mu minsi itandukanye kuri Cleopatra Restaurant (16 Nzeri), Kwetu Film Institute (17 Nzeri), Kigali Public Library/ Shokola Café (18 Nzeri), Kwetu Film Institute (19 Nzeri), Kwetu Film Institute (20 Nzeri) rizorezwe kuri Portofino Hotel ku wa 21 Nzeri 2018.

Ku wa 19 Nzeri kandi rizabera ku mucanga i Rubavu mu gihe ku wa 20 Nzeri rizabera muri Stade i Karongi.

Muri filimi zizagenda zerekanwa harimo filimi mbarankuru ya Sam Cooke; Lulu, Ngoma, Karani Ngufu, Evolutionary Blues, Tik Tak, Beyond the Walls, Mayilah’s story path, Babysteps, Torment of love, Barrow fighter n’izindi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza