Butera Jeanne D’Arc uzwi cyane ku izina rya Knowless, Nyuma y’aho ashyiriye hanze indirimbo ye nshya yise “Ninkureka”, yakomeje kugenda ivugisha abantu benshi amagambo bitewe na bumwe mu butumwa buyirimo.

Iyo ndirimbo ivuga kuri zimwe mu ngabo zitabara ku rugamba zikahasiga ubuzima, n’ibyo abapfakazi b’abaruguyeho basigara batekereza mu mitima yabo.

Aganira na IGIHE, Knowless yagize ati” Naricaye numva umutima umbwira kuririmba kuri abo bakuru bacu bapfakara kubera abagabo basiga ubuzima bwabo ku rugamba, nibaza biramutse arinjye bibayeho uburyo nakwifata, ni yo mpamvu numvishe nakora iyi ndirimbo nkayitura abo bose bahuye nicyo kibazo kandi mbihanaganisha”.

Reba amashusho y’indirimbo "Ninkureka" ya Knowless.

Knowless ubu ari mu bahanzi bazitabira amarushanwa ya PGGSS muri uno mwaka, akaba ari umunyeshuri mu ishuri rikuru rya ULK.