00:00:00 IGIHE NETWORK KN KINYARWANDA EN ENGLISH FR FRANCAIS

Christopher yasohoye indirimbo ivuga ku bantu bajya mu rukundo ukuguru kumwe kwibereye ahandi

Yanditswe na Uwiduhaye Theos
Kuya 25 November 2019 saa 03:48
Yasuwe :

Muneza Christopher umaze kubaka izina mu muziki uganisha ku rukundo, yashyize hanze indirimbo yise ’Uti Sorry’, ya kane kuri album azashyira hanze mu bihe biri imbere.

Iyi ndirimbo yagiye hanze kuri uyu wa Mbere tariki 25 Ugushyingo 2019, amajwi yakozwe na Madebeats. Ni indirimbo irimo ubutumwa bwo kwerekana umukobwa w’umunyamafuti mu rukundo, uhora yisegura ku mukunzi we.

Nko mu gitero cya mbere Christopher agaragaza ko yakundanye n’umukobwa ariko akajya amuca ku nshuti ze, akamukorera amakosa ahora yisubiramo.

Ati "Nagukunze n’umutima wose, narinaze wese kandi simbyicuza, byibura nize uko bakunda urukundo rw’ukuri, washatse kunca ku nshuti nifitiye kuko zakumbuzaga, narahumirizaga ngagatanga imbabazi wakongera ukaza umbwira uti sorry.”

Uyu muhanzi yabwiye IGIHE ko guhimba iyi ndirimbo byaturutse ku bantu yagiye abona bajya mu rukundo ukuguru kumwe kwibereye mu bindi bitandukanye narwo.

Ati “Guhimba iyi ndirimbo ahantu byavuye, hari ukuntu bajya mu rukundo ariko ntibitware nk’abarurimo kandi narwo badashaka kuruvamo, ugasanga hari ibintu umuntu agomba gukora adakora, n’ibyo atakagombye gukora akora.”

Yakomeje avuga ko ari ibintu yagiye abona mu nshuti zitandukanye bigatuma abikuramo inganzo.

Uyu muhanzi amaze iminsi ahugiye mu gukora album ye nshya y’indirimbo 12, akaba ariyo yafashe umwanya uhagije wo kwitaho.

Christopher yashyize hanze indirimbo ivuga ku ku bantu yagiye abona bajya mu rukundo ukuguru kumwe kwibereye mu bindi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .