00:00:00 IGIHE NETWORK KN KINYARWANDA EN ENGLISH FR FRANCAIS

Umuhanzi King Saha ararembye

Yanditswe na Mahoro Vainqueur
Kuya 31 Ukuboza 2022 saa 07:18
Yasuwe :

Umwe mu bahanzi bakomeye muri Uganda, Mansur Semanda ukoresha amazina ya King Saha muri muzika amaze iminsi mu bitaro.

King Saha abinyujije ku mbuga nkoranyambaga, yasangije abamukurikira amafoto ye aryamye mu bitaro avuga ko ari mu bihe bitamworoheye.

Mu gusangiza abakunzi be ibihe ari kunyuramo yanditse agira ati “2022 si uku yakogombye kurangira.”

Uyu muhanzi umaze iminsi ibiri mu bitaro, kugeza ubu ntiharatangazwa uburwayi arwaye.

Abahanzi batandukanye bihanganishije uyu muhanzi bamwifuriza gukira vuba.

Aba barimo; Dr Jose Chameleone, Spice Diana, Geosteady, John Black, Dj Shiru, umunyamakuru Douglas Lwanga n’abandi.

Mu minsi ishize umunyamakuru wa KFM, Brian Mulondo yahamagariye uyu muhanzi King Saha kwita ku isuku ye, amubwira ko kubera gukoresha ibiyobyabwenge bituma agira impumuro mbi no gusa nabi.

Uyu munyamakuru yamaganiwe kure ashinjwa gusebanya , gusa Bebe Cool yunze murye avuga ko abantu bakwiriye kumufasha mu bukangurambaga ari gukora bwo kurwanya ikoreshwa ry’ibiyobya bwenge mu bahanzi.

Hashize amezi abiri akoranye indirimbo na Sheebah Karungi

‘Zakayo’ ni imwe mu ndirimbo King Saha yakoze muri uyu mwaka


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .