00:00:00 IGIHE NETWORK KN KINYARWANDA EN ENGLISH FR FRANCAIS

Taylor Swift yakoze amateka kuri Billboard Hot 100

Yanditswe na Mahoro Vainqueur
Kuya 2 Ugushyingo 2022 saa 07:45
Yasuwe :

Umuhanzikazi Taylor Alison Swift yakoze amateka akomeye mu muziki, aba umuhanzi wa mbere ku Isi wihariye imyanya icumi ya mbere ku rutonde rwa Billboard rwerekana indirimbo 100 zikunzwe muri Amerika.

Ibi byakozwe na Taylor Swift nyuma y’iminsi 10 ashyize ahagaragara album ya cumi yise ‘Midnights’ iriho indirimbo 20.

Ni ubwa mbere mu mateka y’uru rutonde rwa Billboard rumaze imyaka 64, umuhanzi umwe agira indirimbo 10 zikurikirinya muri Top 10 (imyanya ya mbere) zikayobora indirimbo 100 zikunzwe muri Amerika.

Uyu muhanzikazi mu butumwa yanyujije kuri Twitter, yagaragaje ko nawe yatunguwe n’aya mateka adasanzwe yakoze nyuma y’iminsi icumi gusa asohoye album.

Undi muhanzi wagerageje gukora nk’ibi ni umuraperi Drake wagize indirimbo 9 ziza muri Top 10 muri Nzeri ya 2021.

Midnights igisohoka byatumye urubuga rwa Spotify ruhagarara umwanya munini kubera umubare w’abantu benshi bashakishaga iyi album banyuze kuri uru rubuga rucurangirwaho umuziki.

Indirimbo 13 ziri kuri iyi album ya Swift zivuga ku majoro 13 uyu muhanzikazi yamaze akora umuziki adasinzira.

Taylor Swift yateguje abakunzi be biyita ‘Swifties’ ibitaramo yise ‘The Eras Tour’ bizabera mu mijyi itandukanye ya Leta Zunze ubumwe za Amerika n’ahandi hataratangazwa.

Reba ‘Anti-Hero’, indirimbo ya Taylor Swift iyoboye izindi kuri Billboard Hot 100

Taylor Swift yatunguwe no kubona indirimbo ze 10 ziyoboye izindi 100 zikunzwe muri Amerika
Kuri Billboard indirimbo 10 za mbere mu ndirimbo 100 zikunzwe muri Amerika ni iza Taylor Swift

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .