Neptunez, Band nshya ya Live muri Kigali

Yanditswe na

Remesha Jr.

Kuya 19 Ugushyingo 2014 saa 08:00
Yasuwe :
0 0

Mu majwi meza y’urusobe, mu myirongi irangura umuziki mwiza wuje uburyohe bwa za gitari zirangira n’ingoma, itsinda rya Neptunez ni rishya ryinjiye mu ruhando rwa muzika mu Rwanda.
Mu kwigaragaza iri tsinda ryari risanzwe ricurangira nyinshi mu ndirimbo zisanzwe zizwi mu kabyiniro kitwa KGL ryataramiye abafana b’umuziki nyarwanda mu cya LIVE cyabereye mu mpera z’iyi weekend muri White Horse, hafi ya Ecole Belge.
Iri tsinda risanzwe rinafite indirimbo zaryo bwite, ubu rikaba rinateganya gukora (...)

Mu majwi meza y’urusobe, mu myirongi irangura umuziki mwiza wuje uburyohe bwa za gitari zirangira n’ingoma, itsinda rya Neptunez ni rishya ryinjiye mu ruhando rwa muzika mu Rwanda.

Mu kwigaragaza iri tsinda ryari risanzwe ricurangira nyinshi mu ndirimbo zisanzwe zizwi mu kabyiniro kitwa KGL ryataramiye abafana b’umuziki nyarwanda mu cya LIVE cyabereye mu mpera z’iyi weekend muri White Horse, hafi ya Ecole Belge.

Iri tsinda risanzwe rinafite indirimbo zaryo bwite, ubu rikaba rinateganya gukora Album y’indirimbo za Noheri, zizamurikwa mu gitaramo cy’akataraboneka kizitwa “X-mass Festival” kizabera mu Kuboza muri Serena Hotel.

Abaririmbyi n’abacuranzi b’iyi band barimo abakomoka muri Uganda, Kenya n’u Rwanda bakaba ari Herbert Rock (ucuranga umwirongi – akaba n’umuyobozi wayo), Josh (ucuranga piano), Damian (ucuranga gitari basse), Limbalie (ucuranga gitari solo) na Steve (uvuza ingoma).

Muri iki gitaramo cyabo, aba bahanzi baririmbye indirimbo zikunzwe hirya no hino ku Isi zirimo iza Celine Dion, iza ba Lionel Richie, The Beatles, Mariah Carey n’izindi nyafurika zagacishijeho.

Aganira na IGIHE, Remmygious Lubega, uhagarariye iyi band avuga ko mu kwimenyekanisha mu Rwanda bategura igitaramo gikomeye cy’indirimbo za Noheri gusa. Avuga ko inyinshi mu ndirimbo Neptunez bazasohora bazazikorana n’abahandi bazwi mu Rwanda barimo Hope wo muri TPF, Tonny, Peace n’uwitwa Masha,

Yagize ati “turategura album twise “Christimas Album” tuzafatanya n’itsinda ryamamaye ryitwa Sauti Band, n’abandi bahanzi bakomeye.”

Iri tsinda rigaragaramo umusore w’umuhanga mu gucuranga umwirongi witwa Herbert Rock, uyu akaba yaragaragaye mu ndirimbo “Urumuri Rutazima” yifashishijwe cyane mu kwibuka 20, akaba yaracuranze Valu Valu Remix (Saxophone Version).

Uretse gucuranga umwirongi uryoheye amatwi, iri tsinda rinafite umwihariko wo gucuranga izindi ndirimbo zakunzwe zo mu njyana za Afrobeat, Zouk, Afro Jazz, Electro n’izindi.

Kuri ubu iyi band iri gukorana ibitaramo binyuranye muri Kigali n’umuhanzi Elion Victory wamamaye cyane mu ndirimbo Amafaranga, Maritha n’izindi.

Herbert Rock, umusore w'umuhanga mu gucuranga umwirongi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .