Umuhanzi Young Junior yagarutse mu Rwanda

Yanditswe na

Richard IRAKOZE

Kuya 8 Kamena 2012 saa 08:34
Yasuwe :
0 0

Umuhanzi Nbagonziza Albert Fiston, wamenyekanye nka Young Junior kubera kuririmba mu ijwi ryigana iry’umuhanzi w’umunyamerika Akon, yagarutse mu Rwanda aje mu biruhuko by’amezi atanu avuye aho yiga MU Buhinde. Young Junior avuga ko ateganya kongera kwigaragaza cyane mu muziki wo mu Rwanda.
Aganira n’umunyamakuru wa IGIHE wamusanze ari kumwe n’abahanzi bagize itsinda rya Urban Boyz muri UTC mu Mujyi wa Kigali, ku mugoroba wo kuri uyu wa Gatatu tariki ya 7 Gicurasi 2012, Young Junior yavuze ko (...)

Umuhanzi Nbagonziza Albert Fiston, wamenyekanye nka Young Junior kubera kuririmba mu ijwi ryigana iry’umuhanzi w’umunyamerika Akon, yagarutse mu Rwanda aje mu biruhuko by’amezi atanu avuye aho yiga MU Buhinde. Young Junior avuga ko ateganya kongera kwigaragaza cyane mu muziki wo mu Rwanda.

Aganira n’umunyamakuru wa IGIHE wamusanze ari kumwe n’abahanzi bagize itsinda rya Urban Boyz muri UTC mu Mujyi wa Kigali, ku mugoroba wo kuri uyu wa Gatatu tariki ya 7 Gicurasi 2012, Young Junior yavuze ko aje mu biruhuko bikuru. Yagize ati:”Naje ku mpamvu z’ibiruhuko; buri biruhuko bikuru ngomba kuza mu Rwanda nkishimana n’ababyeyi n’inshuti.”

Young Junior avuga ko yiga mu mwaka wa kabiri mu ishami ry’ubukungu ndetse n’andi masomo ajyanye n’uburenganzira bwa muntu hamwe n’ubwubatsi.

Ku bijyanye n’uko yabonye u Rwanda, Young Junior avuga ko yatunguwe n’iterambere n’uko yasanze igihugu kiri kwiyubaka. Avuga ko ibyo yakumbuye cyane ari ukuririmba atabashaga gukora kuko amastudio yo mu Buhinde ahenze. Avuga ariko ko muri aya mezi atanu yifuza kugaragara cyane mu muziki.

Yagize ati:”Studio hariya zirahari nyinshi kandi zikomeye ariko zirahenze. Amahanga ni amahanga aragendwa ntararwa.” Yongeraho ko gukora indirimbo imwe bisaba amafaranga arenga ibihumbi 400, amafaranga avuga ko atari gupfa kubona ari mu masomo.

Uhereye i Bumoso ni Nizzo, Young Junior na Safi/Foto:Irakoze R.

Young Junior avuga ko kubonana n’abahanzi bakuzwe bo mu Buhinde biba bikomeye kuko baba batuye ahantu habo kandi ko ari abantu badapfa kubonwa na buri wese. Avuga ko nta huriro riri mu muziki w’u Rwanda n’u Buhinde.

N’ubwo yaririmbanye cyane na Diplomate, bigatuma akundwa cyane, avuga ko batigeze bavugana ari ko kavuga ko Diplomate ashobora kuba azi ko (Young Junior) yaje mu Rwanda, wenda abisomye kuri Facebook ye (ya Young Junior).

Avuga ko amaze kubonana n’ishuti ze zirimo abanyamakuru nka David Bayingan, Mr One, n’abahanzi nka Urban Boyz, Miss Shanel, Riderman n’abandi.

Asoza asaba abafana be kongera kumushyigikira kuko ateganya gushyira ibihangano byinshi hanze. Yagize ati:”Indirimbo zo ndazifite kandi ni nyinshi nziza, bambe hafi, bongere banyibuke, ntibantererane. Nishimiye kongera kugaruka mu gihugu cyanjye cyambyaye nagarukanye rya jwi ntaho ryagiye.”

Uretse young Junior, umuhanzi w’umuraperi witwa Gitego Cédric nawe wigaga mu Buhinde aherutse kugaruka mu Rwanda.

Umva ikiganiro kirambuye Young Junior yagiranye na IGIHE



KANDA HANO USHOBORE KUMVA
  Ikiganiro kirambuye Young Junior yagiranye na IGIHE

Kwamamaza

Kwamamaza

Izindi nkuru wasoma

Inkuru ziheruka - Amakuru

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .