Umuhanzi Tom Close, wegukanye umwanya wa mbere mu marushanwa ya Primus Guma Guma Super Star I, yasabye anakwa umukobwa bamaze igihe bakundana witwa Niyonshuti Ange Tricia, kuri uyu wa Gatandatu tariki 2 Ugushyingo 2013.

Tom Close aherekejwe na Platini na TMC bagize Dream Boyz

Ibi birori byo gusezerana Kinyarwanda byabereye Kimironko, byatashywe n’abahanzi benshi barimo Knowless, Dream Boyz, Christopher, Producer Clement Ishimwe, usanzwe ukorana na Tom muri Kina Music, Uncle Austin n’abandi.

Uretse aba bahanzi bari bambariye Tom Close hari harimo na ba Nyampinga babiri Akazuba Cynthia, Mutesi Aurore ndetse n’abanyamakuru nka Tijara Kabendera (Magic FM), Etienne Gatanazi (wari umususurutsabirori), Sam Karenzi (Salus) n’abandi.

Tom Close, ubusanzwe witwa Muyombo Thomas, yagaragaje akanyamuneza kenshi muri ibi birori byari byitabiriwe n’abantu barenga magana atanu, biganjemo abo mu miryango ya Tom Close na Tricia n’inshuti za hafi.

Muri ibi birori hagiye hacurangwa zimwe mu ndirimbo za Tom Close zakunzwe cyane mu Rwanda harimo nka “Mbwira Yego”, “Ubuziraherezo” n’izindi.

Kuwa 30 Ugushyingo, Tom Close azashyingirwa imbere y’Imana kuri St Etienne (mu Biryogo).

Benshi mu bambariye Tom Close bari biganjemo abahanzi, ba nyampinga n'abanyamakuru basanzwe bazwi cyane mu Rwanda

Imwe mu nka eshatu z'inzungu Tom Close yakoye Tricia

Ababyeyi bahagarariye impande z'imiryango yombi bari mu mihango yo guhana umugeni

Tom Close na Tricia babaye umugabo n'umugore; mu minsi mike bizemezwa imbere y'Imana bibanire "ubuziraherezo", nk'uko yabiririmbye

Tom Close yakomeje kurangwa n'akanyamuneza mu birori byose

Tom Close aherekejwe na Platini na TMC bagize Dream Boyz

Producer Clement na Knowless (bivugwa ko nabo bateganya kurushinga) bombi bari bari kumwe muri ubu bukwe bwa Tom Close bamwambariye kandi bari kumwe

Platini mu bukwe bwa Tom Close; yari ari mu bamwambariye

Producer Clement Ishimwe mu bari bambariye Tom Close

Muri ibi birori Christopher (uyu uri i bumoso) we yari ari mu bitabiriye gusa atari mu bamwambariye

Producer Clement Ishimwe na bagenzi be bakunze gukorana muri Kina Music nibo bari bambariye Tom Close

TMC ari kumwe na Nyampinga Aurore mu bukwe bwa Tom Close

Aha ni mu birori byo gusaba no gukwa bya Tom Close; abantu bari benshi

Aba ni abari bambariye Tom Close biganjemo ibyamamare

Tom Close yambitse impeta Tricia bagiye kubana

Tom Close ashyikiriza Tricia impano yamugeneye

Knowless ashyikiriza Tom Close impano y'indabo yo guha umukunzi we Tricia

Aha ni mu bukwe bwo gusaba no gukwa bwa Tom Close; abantu bari benshi

Tom Close yicishije bugufi asuhuza sebukwe we n'abandi bo mu muryango w'umukunzi we

Foto: Nsanzabera Jean Paul