00:00:00 IGIHE NETWORK KN KINYARWANDA EN ENGLISH FR FRANCAIS

Bobi Wine, Diamond na Roza Muhando bategerejwe mu gitaramo i Kigali

Yanditswe na

Munyengabe Murungi Sabin

Kuya 28 May 2014 saa 09:02
Yasuwe :

Ku bufatanye bw’abahanzi nyarwanda bagize umuryango witwa UNECO batumiye abahanzi bakomeye mu karere ka Afurika y’Uburasirazuba barimo Bobi Wine, B Wonder, Diamond, Roza Muhando n’abagize Fire base muri rusange mu gitaramo cyo gutangiza uyu muryango.
Mu kiganiro IGIHE yagiranye n’umuhanzi S/Sergent Robert , umwe mu bagize uyu muryango uri gutegura iki gikorwa, yavuze ko we na bagenzi be bamaze igihe bitegura ndetse bakaba bageze kure ibiganiro n’abahanzi bo mu karere bazashaka ko bazaza (...)

Ku bufatanye bw’abahanzi nyarwanda bagize umuryango witwa UNECO batumiye abahanzi bakomeye mu karere ka Afurika y’Uburasirazuba barimo Bobi Wine, B Wonder, Diamond, Roza Muhando n’abagize Fire base muri rusange mu gitaramo cyo gutangiza uyu muryango.

Mu kiganiro IGIHE yagiranye n’umuhanzi S/Sergent Robert , umwe mu bagize uyu muryango uri gutegura iki gikorwa, yavuze ko we na bagenzi be bamaze igihe bitegura ndetse bakaba bageze kure ibiganiro n’abahanzi bo mu karere bazashaka ko bazaza kwifatanya nabo.

S/Sergent Robert ni we uyoboye UNECO

Ati, “Tumaze igihe dutegura iki gikorwa, kikaba kigamije gutangiza ku mugaragaro uyu muryango wacu witwa UNECO (Umuziki Nyarwanda Entertainment Company) . Twateganyije ko tuzatumira abahanzi bakomeye mu karere harimo nka ba Diamond, Bobi Wine, B Wonder, abo muri Fire Base n’abandi bazatwemerera”

Diamond na we aracyaganirizwa ngo byemezwe bidasubirwaho ko azaza i Kigali

S/Sergent Robert yasobanuye ko kuri Diamond na Bobi Wine bakirimo kunoza ibiganiro kugira ngo itariki yo gutangirizaho uyu muryango izagere ibintu byose byaramaze kujya ku murongo . Bifuje kandi kuzazana abahanzi bakomeye mu ndirimbo zo guhimbaza Imana akaba ari yo mpamvu bahisemo Rosa Muahndo .

Nubwo arwaje se, Bobi Wine ashobora kuzaza muri iki gitaramo

Ati, “Kuri Diamond murabizi aragorana cyane ariko Bac T ari kuganira na we kuko basanzwe ari inshuti . Bobi Wine we twavuganye na we gusa muri iyi minsi yagize ikibazo gikomeye papa we ararwaye bikomeye ashobora no gupfa, ntabwo byoroshye kuba muri iyi minsi twamuganiriza ku by’igitaramo ariko na we turi kuganira na we”

Hatagize igihinduka, Roza Muhando yazaza gutaramira i Kigali mu kwezi kwa Nyakanga

Akomeza agira ati, “Ntabwo iki gikorwa kizitabirwa n’abahanzi baririmba izi ndirimbo benshi bita iz’isi gusa ahubwo twanatekereje ku bahanzi baririmba iz’Imana . Hanze turashaka kuzana Rosa Muhando, no mu Rwanda hari abo tuzazana, kizaba ari igikorwa abantu bose bibonamo”

UNECO iyobowe na S/Sergent Robert ikaba izahuriza hamwe abahanzi nyarwanda bose babyifuza . Yatangiye gukora mu buryo bweruye mu mpera z’umwaka wa 2013. Igikorwa cyo gutangiza uyu muryango giteganyijwe gukorwa mu kwezi kwa Nyakanga 2014 nyuma y’umunsi wo kwibohora . Bagombaga kubikora ku itariki ya 4 Nyakanga bihurirana n’igitaramo cya Army Jazz Band.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .