00:00:00 IGIHE NETWORK KN KINYARWANDA EN ENGLISH FR FRANCAIS

Professor Nigga yahagaritswe ku kazi mu gihe kingana n’ukwezi

Yanditswe na

Richard Irakoze

Kuya 28 September 2012 saa 07:31
Yasuwe :

Karasira Aimable usanzwe uzwi ku izina ry’ubuhanzi rya Professor Nigga yahagaritswe mu gihe kingana n’ukwezi ku kazi yakoraga k’ubwarimu muri Kaminuza Nkuru y’u Rwanda (NUR) ngo ahindure imyitwarire nibitaba byo agahagarikwa burundu.
Gusa ku bwa Prof Nigga we avuga ko uku guhagarikwa kuri we abifata nko guhabwa igihembo.
Nk’uko bigaragara ku nyandiko iri muri PDF, Prof Nigga yohererejwe na we akayoherereza IGIHE, hagaragaramo ko Prof Nigga yahagaritswe mu gihe kingana n’ukwezi adakora (…)

Karasira Aimable usanzwe uzwi ku izina ry’ubuhanzi rya Professor Nigga yahagaritswe mu gihe kingana n’ukwezi ku kazi yakoraga k’ubwarimu muri Kaminuza Nkuru y’u Rwanda (NUR) ngo ahindure imyitwarire nibitaba byo agahagarikwa burundu.

Gusa ku bwa Prof Nigga we avuga ko uku guhagarikwa kuri we abifata nko guhabwa igihembo.

Nk’uko bigaragara ku nyandiko iri muri PDF, Prof Nigga yohererejwe na we akayoherereza IGIHE, hagaragaramo ko Prof Nigga yahagaritswe mu gihe kingana n’ukwezi adakora akazi k’ubwarimu. Icyo gihe akaba atazagihemberwa.

Prof Nigga we yahise atangariza IGIHE ko kuri we uku guhagarikwa agufata nko guhabwa igihembo. Avuga ko yarenganijwe kandi ko ahawe igihembo cy’ako karengane.

Yagize ati “Ndemeza ko aka ari akarengane gakomeye ariko kandi gashimishije kuko ibitambo by’ukuri byahozeho kandi ndicyo. Aho bababeshya ngo bampaye warnings nyinshi,wapi ni ebyeri gusa. Kuri jye iyi ni ‘First Justice Award’, nk’uko Stepfano yishwe n’amabuye, Yesu ajya ku musaraba.”

Prof Nigga waherukaga gutangariza IGIHE ko yavuye mu muziki, yahise avuga ko uku guhagarikwa ku kazi (we yita kwirukanwa) byatumye yisubiraho kuri icyo cyemezo, ubu akaba yagarutse mu muziki.

Yagize ati “Bikaba bimpaye ingufu zo gusubira mu muziki kuko nawuhagaritse ntari namenya umwanzi, ubu byose ndabibona ntacyo nzasiga inyuma ndetse nta guca inyuma ni injyana y’umujinya si ngombwa ngo izumvwe ku maradiyo, ariko abo zireba zizabageraho tu.”



KANDA HANO USHOBORE KUMVA
  Ubutumwa Bwo Kwa Nyamuzinda By Prof Nigga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .