Hari virus mu muziki nyarwanda -Pacson

Yanditswe na

Richard Irakoze

Kuya 15 Kanama 2012 saa 05:40
Yasuwe :
0 0

Umuraperi Pacson, ubusanzwe witwa Edson Ngoga, avuga ko umuziki nyarwanda ukirimo ibibazo bitandukanye ari byo yita "Virus", ahanini bishingiye ku kuryamirana hagati y’abari mu muziki nyarwanda (music industry) hazamurwa bamwe hagakandamirwa abandi.
Ibi Pacson, usanzwe ari umunyamakuru kuri City Radio, abivuga agaragaza ko mu muziki nyarwanda hari bamwe mu bahanzi batezwa imbere nyamara we avuga ko badashoboye mu gihe hari abandi bahanzi avuga ko bashoboye bagombye kuba ari bo bashyigikirwa (...)

Umuraperi Pacson, ubusanzwe witwa Edson Ngoga, avuga ko umuziki nyarwanda ukirimo ibibazo bitandukanye ari byo yita "Virus", ahanini bishingiye ku kuryamirana hagati y’abari mu muziki nyarwanda (music industry) hazamurwa bamwe hagakandamirwa abandi.

Ibi Pacson, usanzwe ari umunyamakuru kuri City Radio, abivuga agaragaza ko mu muziki nyarwanda hari bamwe mu bahanzi batezwa imbere nyamara we avuga ko badashoboye mu gihe hari abandi bahanzi avuga ko bashoboye bagombye kuba ari bo bashyigikirwa bagatezwa imbere. Aya magambo Pacson avuga anumvikana mu ndirimbo ye aheruka gusohora yitwa “Anti-Virus”, ihuriyemo abahanzi benshi.

Aganira na IGIHE, Pacson yikomye irushanwa rya Primus Guma Guma Super Star avuga ko riri mu marushanwa ateza imbere abahanzi avuga ko badashoboye rigasiga abashoboye. Yikoma kandi amaradiyo n’abanyamakuru bamwe na bamwe avuga ko bacuranga abahanzi batabikwiye basize abahanzi bakomeye. Anikoma kandi bamwe mu bajyanama b’abahanzi bifashisha gusebya abahanzi no kubazimya (kubangisha abantu no gutuma badacurangwa ku maradiyo) ngo bazamure abahanzi runaka bashyigikiye.

Pacson agira ati:“Hari virus ihari muri Industry (mu muziki nyarwanda), iyo virus mvuga ni uko hari abahanzi bashoboye ariko badakinwa ku maradiyo ugasanga izo PGGSS hari abahanzi benshi bashoboye ntabwo bagaragayemo ahubwo harimo abandi bananiwe cyane, iyo ni virus. Ugasanga wumva umuntu ngo dushaka kuzimya abantu ngo tuzamure abandi, hari ibintu byinshi cyane bitagenda neza muri uyu mukino turimo (umuziki) kuri twe tubona ko ari Virus.”

Uyu muhanzi Pacson avuga ko abantu batinyuka bakabasha kuvuga iby’ibi bibazo ari ba “Anti-Virus” yihereyeho.

Pacson, w’imyaka 25, asaba abahanzi bamaze kumenyekana gusubiza amaso inyuma bakubaha abantu babafashije kuzamuka. Asaba aba bahanzi (bamwe bita abagezeyo) kudasuzugura bagenzi babo bakizamuka (bakunze kwita aba Underground cyangwa se upcoming artists) bakabubaha kandi bakabafasha mu kuzamuka.



KANDA HANO USHOBORE KUMVA
  Anti-Virus By Pacson

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .