Pacson yirukanye P’Fla mu nzu yamucumbikiragamo amushinja ubujura

Yanditswe na

Richard Irakoze

Kuya 24 Kamena 2013 saa 08:33
Yasuwe :
0 0

Umuraperi Pacson yirukanye mu nzu uwari umuraperi mugenzi we P Fla wari inshuti ye magara bakaba banaherukaga kuririmbana indirimbo bise “Kigali Nijoro”. Pacson arashinja P Fla kuba amwiba akajya kugurisha bimwe mu bikoresho bye ngo agure ibiyobyabwenge.
Mu burakari bwinshi, Pacson usigaye wiyita Captain, yatangarije Radio Flash FM mu kiganiro Celebs Magazine ko ubu yamaze guhamagara inzego zishinzwe umutekano kugira ngo zimukurikirane ndetse zinamuhanire gukoresha ibiyobyabwenge.
Yagize (...)

Umuraperi Pacson yirukanye mu nzu uwari umuraperi mugenzi we P Fla wari inshuti ye magara bakaba banaherukaga kuririmbana indirimbo bise “Kigali Nijoro”. Pacson arashinja P Fla kuba amwiba akajya kugurisha bimwe mu bikoresho bye ngo agure ibiyobyabwenge.

Mu burakari bwinshi, Pacson usigaye wiyita Captain, yatangarije Radio Flash FM mu kiganiro Celebs Magazine ko ubu yamaze guhamagara inzego zishinzwe umutekano kugira ngo zimukurikirane ndetse zinamuhanire gukoresha ibiyobyabwenge.

Yagize ati “Yagiye antwara utuntu twinshi nkituriza nkavuga nti ’wenda umukoboyi [inkoramutima] aba ameze nabi reka mwihorere’ ariko ntabibone ahubwo akamfata nka kadage [nk’utita ku bintu] ariko izi nkweto zo ni ryo tandukaniro ryanjye nawe nabifashe nk’agasuzuguro kuko nawe arabizi neza ko ari impano ya Polly arangije nazo arazitwara ngo agiye kuzigurisha! Iyo agurisha ize se?"

Yongeraho ati “Namaze kumutanga mu nzego zari zaramufashe ngo zongere zimwigeho kuko nta kintu na gito yahindutseho, nta kazi akora agenda yiba utuntu tw’amafuti kugirango abone amafaranga yo kugura bya mugo bye [ibiyobyabwenge P Fla aherutse gutangaza ko ajya akoresha].”

Pacson agaya P Fla agira ati ”[P Fla] nta muraperi umurimo, nta mugabo umurimo, nta kazi agira akora, ibiyobyabwenge bimutegeka kwiba utw’abandi, ubu se ko ari njye yarasigaranye none nanjye akaba yamazeho utwanjye araba uwa nde?”

IGIHE ntiturabasha kuvugana na P Fla ngo tumenye icyo avuga kuko ntabasha kuboneka ku murongo wa telefone akoresha, ariko tubijeje kuvugana nawe mu gihe cya vuba.

P Fla

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .