00:00:00 IGIHE NETWORK KN KINYARWANDA EN ENGLISH FR FRANCAIS

Aho P FLA ari si heza ariko nta n’ubwo ari Iwawa - Umugore we El Poeta

Yanditswe na

Vénuste Kamanzi

Kuya 14 Ukuboza 2012 saa 04:08
Yasuwe :

El Poeta, umugore w’umuraperi P FLA, aratangaza ko ibivugwa ko umugabo we yaba yarajyanywe mu kigo ngororamuco cya Iwawa ari ibihuha ariko nanone akemeza ko ahantu ari atabayeho neza.
Ibi bije nyuma y’amakuru akomeje guhwihwiswa ko P FLA yaba yarajyanywe mu kigo cya Iwawa gikunze kujyanwamo urubyiruko ruba rwafashwe nk’inzererezi zo mu mihanda, abafashwe banywa ibiyobyabwenge n’abandi baba bakwiye kugororwa; cyangwa akaba afunze.
Ubwo yavuganaga na IGIHE, El Poeta yahakanye amakuru avuga ko (...)

El Poeta, umugore w’umuraperi P FLA, aratangaza ko ibivugwa ko umugabo we yaba yarajyanywe mu kigo ngororamuco cya Iwawa ari ibihuha ariko nanone akemeza ko ahantu ari atabayeho neza.

Ibi bije nyuma y’amakuru akomeje guhwihwiswa ko P FLA yaba yarajyanywe mu kigo cya Iwawa gikunze kujyanwamo urubyiruko ruba rwafashwe nk’inzererezi zo mu mihanda, abafashwe banywa ibiyobyabwenge n’abandi baba bakwiye kugororwa; cyangwa akaba afunze.

Ubwo yavuganaga na IGIHE, El Poeta yahakanye amakuru avuga ko umugabo we yaba yarajyanywe Iwawa, ati “Barabeshya cyane, nta kintu ahongaho ntangaje, abavuga ko yajyanywe Iwawa ubwo bamujyanyeyo.”

Twamubajije aho ari kuko muri iyi minsi atarimo no kugaragara cyane ndetse tumubaza niba ubu uwamukenera yamubona, ati “Wenda n’aho ari ntabwo ari heza, ariko ntabwo ari Iwawa.”

El Poeta yanze kutubwira aho ubu umugabo we P FLA abarizwa, icyakora nyuma twagerageje telefoni ya P FLA ntiyadukundira.

Twahamagaye Niyongabo Nicolas, umuyobozi w’ikigo ngororamuco cya Iwawa, adutangariza ko atabihamya ariko P FLA kuko abantu banyuma iki kigo giheruka kwakira ari abo ku itariki 15 Ukwakira 2012, gusa adusezeranya ko agiye kutubera neza.

Abavuga ko P Fla yaba yarajyanywe Iwawa bavuga ko yaba yarajyanyweyo kubera gukoresha ibiyobyabwenge.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .