00:00:00 IGIHE NETWORK KN KINYARWANDA EN ENGLISH FR FRANCAIS

Miss Shanel yimuye gahunda y’ibitaramo bye muri Afurika y’Uburasirazuba

Yanditswe na

Munyengabe Murungi Sabin

Kuya 12 February 2016 saa 10:04
Yasuwe :

Nirere Shanel ukorera umuziki mu Bufaransa yimuriye umwaka utaha, gahunda y’ibitaramo azakorana n’abahanzi b’Abafaransa mu bihugu byo muri Afurika y’Uburasirazuba.

Urugendo rw’ibitaramo Miss Shanel ateganya muri Afurika y’Uburasirazuba, yagombaga gufatanya n’abahanzi bakomeye mu Bufaransa ku bufatanye na Positive Production.

Byagombaga kuba mu mpera z’umwaka wa 2015 agira akazi kenshi kahuriranye n’ibitaramo bya Isaano Festival n’ibindi bye bwite afite i Kigali mbere y’uko Werurwe irangira.

Ati “Ibyo nashakaga gukora muri East Africa ntabwo byakunze, bizansaba kongera kwisuganya neza. Ndateganya ko nzabikora umwaka utaha, naramaze kwitegura neza.”

Miss Shanel uri i Kigali kugeza mu mpera za Werurwe 2016, avuga ko ibitaramo, afite mbere yo gusubira mu Bufaransa, gahunda z’umuziki no kwita ku mwana we atabikomatanya no kuzenguruka mu bihugu nk’uko yari yabiteganyije.

Ati “Urabona hari ibi bitaramo bya Isaano Festival ngomba gukora, hari n’ikindi mfite mu kwezi kwa Gatatu, mfite umwana nitaho ukiri muto, urumva ko biragoye kuba nabifatanya.”

Mu minsi azamara i Kigali, Miss Shanel azagirana ibiganiro n’abaririmbyi b’umwuga bifuza gukuza impano zabo mu buhanzi mu rwego rwo kubasangiza ibyo yize mu Bufaransa.

Miss Shanel afite ikindi gitaramo gikomeye ku itariki ya 20 Werurwe 2016

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .