00:00:00 IGIHE NETWORK KN KINYARWANDA EN ENGLISH FR FRANCAIS

Miss Shanel yaje kwerekana umwana yabyariye mu Bufaransa

Yanditswe na

Munyengabe Murungi Sabin

Kuya 23 Mutarama 2016 saa 01:29
Yasuwe :

Nirere Shanel, umuhanzi ukorera umuziki mu Bufaransa aho atuye n’umugabo we Guillaume Favier yaje i Kigali kwerekana umwana yabyaye muri Nzeri 2015.

Kuwa 3 Nzeri 2015 Miss Shanel na Favier bibarutse umukobwa w’imfura. Nyuma y’amezi ane yibarutse, Miss Shanel yaje mu Rwanda kwereka umuryango umwana yabyariye mu Bufaransa.

Ati “Ndi mu Rwanda, meze neza nta kibazo, umwana na we araho. Urabyumva kumwereka umuryango ntibyabura, hari n’ibitaramo nzakora mbere yo gusubirayo.”

Nirere Shanel yabwiye IGIHE ko umwana yabyaranye na Favier bamwise Sana Nirere Favier . Yanze kugira byinshi atangaza ubwo twamubazaga niba yaraherekejwe n’uwo bashakanye kwerekana umwana mu muryango.

Mu by’umuziki navuga ko mfite ibitaramo bibiri, ariko icya vuba ni icya Festival ya Hobe Africa nzaririmbamo muri Car Free Zone, nzaba mfatanyije na Mani Martin.

Azava mu Rwanda yitabiriye ibitaramo bikomeye bizabera i Kigali harimo icya Hobe Africa Festival azahuriramo na Mani Martin ku itariki 30 Mutarama n’ikindi kizaba ku itariki ya 20 Werurwe 2016.

Uyu muhanzi ngo ashobora kuzava mu Rwanda asohoye indirimbo y’Igifaransa yakoze mu minsi yashize atarajya mu Bufaransa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .