00:00:00 IGIHE NETWORK KN KINYARWANDA EN ENGLISH FR FRANCAIS

Umuhanzi nyarwanda Mighty Popo yahesheje Televiziyo CBC igihembo cya ‘Gabriel Awards’

Yanditswe na

Richard IRAKOZE

Kuya 12 Gicurasi 2012 saa 02:31
Yasuwe :
0 0

Umuhanzi nyarwanda Popo Murigande, uzwi cyane ku izina rya Mighty Popo, akora ubuhanzi bwibanda kubwa gakondo, muri Canada. Yahesheje Televiziyo ya Canada CBS igihembo cyitwa ‘Gabriel Awards’ cy’umwaka wa 2012 ku bw’igitaramo yakoreye iyi televiziyo, mu marushanwa yari irimo.
Ibi bigaragazwa n’ibaruwa yanditswe n’ubuyobozi bwa CBC, yandikiwe Mighty Popo, kuwa 7 Gicurasi 2012, hakimara gutangazwa ko iyi televiziyo yatsindiye icyo gihembo. Muri iyo baruwa bagira bati: ”Dufite inkuru nziza (...)

Umuhanzi nyarwanda Popo Murigande, uzwi cyane ku izina rya Mighty Popo, akora ubuhanzi bwibanda kubwa gakondo, muri Canada. Yahesheje Televiziyo ya Canada CBS igihembo cyitwa ‘Gabriel Awards’ cy’umwaka wa 2012 ku bw’igitaramo yakoreye iyi televiziyo, mu marushanwa yari irimo.

Ibi bigaragazwa n’ibaruwa yanditswe n’ubuyobozi bwa CBC, yandikiwe Mighty Popo, kuwa 7 Gicurasi 2012, hakimara gutangazwa ko iyi televiziyo yatsindiye icyo gihembo. Muri iyo baruwa bagira bati: ”Dufite inkuru nziza dushaka kubagezaho. Uwatsindiye mu mwaka wa 2012 Gabriel Awards yamenyekanye. CBC Ottawa yatsinze Gabriel Awards mu buhanzi, kubwa Solo:The Mighty Popo”.

Mu kiganiro n’uyu muhanzi, ubu uri mu Rwanda aho ategura igitaramo cy’iserukiramuco cya Rwanda-Up, yavuze ko guhabwa iki gihembo ari ishema ku Rwanda.

Yagize ati:”Ni igihembo cya Televiziyo yo muri Canada yitwa CBC kubera igitaramo bakoranye nanjye cyitwa Solo.

Iryo rushanwa ryabaye hagati ya Canada na USA no muri Amerika. Icyo gitaramo (Solo) nicyo cyatwaye icyo gikombe ”.

Yongeraho ati:”Twavuga ko ari u Rwanda rwatsinze n’ubundi, kuko icyo gitaramo bagikoze mu Kinyarwanda, ndirimba indirimbo zanjye zo mu Kinyarwanda.”

Uyu muhanzi avuga ko akunzwe cyane mu mahanga aho akorera ubuhanzi. Avuga ko anateganya kuba yatangira gufasha abahanzi nyarwanda bamwe na bamwe kujya bitabira amarushanwa n’amaserukiramuco akomeye abera hanze nk’uko Jean Paul Samputu, umwe mu bahanzi nyarwanda bazwi mu ruhando mpuzamahanga, yabitangiye.

Mighty Popo ni umwe mu bahanzi nyarwanda baba hanze bafashe iya mbere ngo baze kuzamura abahanzi nyarwanda bifuza gutera ikirenge mu cyabo. Ibi bigaragazwa n’ibikorwa bitandukanye babakorera birimo ibitaramo bibahuriza hamwe byitwa “Kigali Up.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .