Biography

Yanditswe na
Kuya 20 Mutarama 2012 saa 12:56
Yasuwe :
0 0

Maniraruta Martin, niyo mazina yanjye yo kuva mu bwana bwanjye ariko ubu nzwi cyane ku mazina ya Mani Martin. Mani Martin ni nayo mazina ubu nkoresha ahantu hose. Ndi umwanditsi w’indirimbo, umuhimbyi w’injyana (melodies), umuririmbyi (Pop/RnB ivanzemo Gakondo) n’umukinnyi wa Cinema. Navukiye mu Karere ka Rusizi mu Ntara y’i Burengerazuba. Navutse tariki ya 24 Ukuboza 1988.
Amashuri abanza nayize kuri Ecole Primaire de Ntura (Catholique), ayisumbuye nyiga kuri Ecole Secondaire Gahunga (...)

Maniraruta Martin, niyo mazina yanjye yo kuva mu bwana bwanjye ariko ubu nzwi cyane ku mazina ya Mani Martin. Mani Martin ni nayo mazina ubu nkoresha ahantu hose. Ndi umwanditsi w’indirimbo, umuhimbyi w’injyana (melodies), umuririmbyi (Pop/RnB ivanzemo Gakondo) n’umukinnyi wa Cinema. Navukiye mu Karere ka Rusizi mu Ntara y’i Burengerazuba. Navutse tariki ya 24 Ukuboza 1988.

Amashuri abanza nayize kuri Ecole Primaire de Ntura (Catholique), ayisumbuye nyiga kuri Ecole Secondaire Gahunga Ruhengeri mu Majyaruguru, nyarangiriza muri Centre Islamique de Kigali mu ishami ry’indimi n’ubuvanganzo.

Indirimbo ya mbere nahimbye nayise ’Bari He?’ Nari mfite imyaka 9. Gusa sinigeze nyisohora . Bwa mbere ninjira muri studio nari mfite imyaka 11, nkora indirimbo 12 zose nzishyira kuri Cassette nise ’Agapfa kaburiwe ni Impongo’. Icyo gihe hari muri 2000. Mu mwaka wa 2001 nasohoye indi cassette nari nise “Umuntu ni iki?”, yari iriho indirimbo 14.

Indirimbo namenyekaniyeho cyane ni iyitwa ’Urukumbuzi’ nasohoye mu mwaka wa 2005, inampesha igihembo cy’umuhanzi w’umwaka, igihembo cyitwaga Rwandan Artist Promotion cyatanzwe na Radio 10 ku bufatanye na Bralirwa (Mutzing). cyari gifite agaciro k’amadorali 800 yanganaga nk’ibihumbi Magana atanu mu manyarwanda.

Nyuma y’iyo ndirimbo Urukumbuzi naje gusohora, muri 2007, Album yanjye ya mbere nise Isaha ya 9. Yari iriho indirimbo nka Isaha ya 9, urukumbuzi, Kumbu Kumbu (Urukumbuzi version ya 2), Urabeho, Genzura, Tube Umwe (itari iy’abahanzi bose), Gitare Cyanje, Narabohowe, Wa si we uri Nta munoza n’izindi. Iyo Album yakozwe n’aba producer nka Aaron Nitunga na Patrick Buddha bita kiruru Nine ndetse na Mastora.

Nyuma naje gusohora Album ya 2 nise icyo dupfana kiruta icyo dupfa. Iyi Album yari yiganjeho indirimbo ziganisha ku butumwa bw’Ubumwe n’Amahoro. Yari iriho indirimbo nka Icyo dupfana kiruta icyo dupfa, Banza, Urumuri, Ibihe, Tube Umwe (Rmx n’abahanzi 24 b’abanyarwanda), Baho, Urukundo, Bareke na Bizashira. Nayikoze mu mwaka wa 2010.

Nyuma y’iyi Album nibwo natangiye gukora umuziki udashingiye ku iyobokamana gusa, ndirimba ku buzima busanzwe burimo urukundo. Nibwo naje gusohora indirimbo yitwa yari Wowe, Mazi Magari, Nyibwirira, Ni Amateka, Intero y’Amahoro, Ideni na Ivuzivuzi zose zikazagaragara kuri Album yanjye ya 3 yitwa ’Intero y’Amahoro’.

Ubu ndi gutegura Album yanjye ya kane izaba iriho indirimbo nka Nyiramwiza n’izindi ziri mu Giswahili n’Icyongereza. Iyi Album izaba iriho umwihariko ndetse inacurangishije ibikoresho bya Live Music. Izaba kandi iriho ibicurangisho bya gakondo (Inanga, Umuduri, Ingiri, ingoma za kinyarwanda) ndetse na gitari (Accoustique).

Ibihembo nahawe:

- Rwandan Artist Promotion muri 2007

- Mu mwaka wa 2007 nari umwe mu bahanzi baserukiye u Rwanda muri PAMA Award, mpabwa impamyabumeyi (Participation Certificat).

- Salax Awards mu mwaka wa 2009 nka Best Male Gospel Artist
- 2006 natumiwe mu iserukiramuco (FESPAD) aho nari mpagarariye abahanzi b’abana

- 2008 nongeye gutumirwa iserukiramuco (FESPAD) nk’umuhanzi uhagarariye abaririmba indirimbo zihimbaza Imana

- 2009 nabwo nahawe igihembo cyitiriwe Ijoro ry’Urukundo cyatumye njya muri Afurika y’Epfo.

- 2010 nabwo nongeye gutumirwa iserukiramuco (FESPAD)

- Mu mwaka wa 2011, nitabiriye amarushanwa ya Primus Guma Guma Super Star aho naje mu bahanzi 10 bakunzwe cyane mu Rwanda.

Mu mwaka wa 2007 natangiye gutegura ibitaramo nise Agahozo Christimas. “Ni igitaramo natekereje uko nakwishimana n’abana b’imfubyi mu kwizihiza iminsi mikuru ya Noheri basangira n’abandi, kuri ubu nkaba maze gukora ibitaramo 5."

Mu mwaka wa 2011 nagiye ku mugabane w’u Burayi mu gihugu cy’u Bufaransa, aho nagiye nk’umwe mu bahanzi bagiye baherekeje Perezida wa Repubulikka mu ruzinduko yari yagiriyeyo, haza no kuviramo igitaramo twagiriyeyo.

Impano yanjye ntaho nyikura mu muryango. Gusa nemeza ko nyikura ku Mana. Umuziki watumye numva naririmba ni uwa Cecile Kayirebwa kuko nakunze kumva ibihangano bye ndetse ngakunda kuririmba indirimbo ze. Na Jean Paul Samputu ku buryo kuri ubu iyo turirimbana mba numva binshimishije cyane. Uwo wari umuziki wa Gakondo nakunze kumva.

Naje no kumva inganzo y’abahanzi nka R. Kelly na Ne-Yo, nkanakunda cyane umuririmbyikazi Brenda Fasi. Aha niho nahereye ndirimbo RnB Pop, nkaba numva mfite inzozi zo kuzatera imbere nkagera kure mbafatiyeho urugero nk’uko nabo bateye imbere bakagera kure.

Mu bitaramo nagiye nkora nagize amahirwe yo gukorana n’abahanzi b’abahanga na Lokua Kanza, Might Popo n’abandi.

Uretse ubuhanzi bwo kuririmba nanakinnye muri Cinema mu mwaka wa 2010, nkina muri filime yitwa Long Coat (Ikoti Rirerire). Bwari ubwa mbere ngaragaye muri Cinema, n’ubwo byari inzozi zanjye kuva kera. Muri iyo filime hagaragayemo ibyamamaer nka Edouard bamporiki, Jimmy Gatete na Miss Shanel.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza