RDC: Mani Martin azahagararira u Rwanda muri Amani Festival

Yanditswe na

Kalinda Brendah

Kuya 21 Mutarama 2015 saa 03:54
Yasuwe :
0 0

Maniraruta Martin benshi bita Mani Martin agiye gutaramira muri Repubulika Iharanira Demokarasi ya Congo mu iserukiramuco rya muzika ryitwa Amani rigamije gusakaza amahoro n’umutekano mu Karere.
Mani Martin ni ubwa mbere agiye gukora igitaramo nyuma y’igihe kingana n’ukwezi yari amaze yarabuze ijwi kubera impanuka yakoze ubwo yamiraga agati gato ka kilida kakitambika mu muhogo.
Mu kiganiro na IGIHE, uyu muhazni w’imyaka 27 yatangaje ko yishimiye kongera guhagararira u Rwanda muri iri (...)

Maniraruta Martin benshi bita Mani Martin agiye gutaramira muri Repubulika Iharanira Demokarasi ya Congo mu iserukiramuco rya muzika ryitwa Amani rigamije gusakaza amahoro n’umutekano mu Karere.

Mani Martin ni ubwa mbere agiye gukora igitaramo nyuma y’igihe kingana n’ukwezi yari amaze yarabuze ijwi kubera impanuka yakoze ubwo yamiraga agati gato ka kilida kakitambika mu muhogo.

Mu kiganiro na IGIHE, uyu muhazni w’imyaka 27 yatangaje ko yishimiye kongera guhagararira u Rwanda muri iri serukiramuco ndetse yizeye ko azabyitwaramo neza kuko ijwi rye rizaba rimaze kugaruka neza. Ngo yatangiye imyitozo kandi akomeje gufata imiti nk’uko yabitegetswe n’abaganga.

Yagize ati, “Ndishimye cyane kandi ndashima Imana. Nyuma y’uko ngaruye ijwi nahise mbona ubutumire bwo kuzajya kwitabira Amani Festival izabera muri Congo kandi nizeye ko nzahagararira igihugu cyanjye neza bikagenda neza”.

Mani Martin yakajije imyitozo ya Live kugira ngo azashimishe abakunzi ba muzika bazitabira iri serukiramuco rizabera muri muri Repubulika Iharanira Demokarasi ya Congo.

Iserukiramuco rya muzika Amani Festival riteganyijwe gutangira ku tariki ya 12 kugeza 15 Gashyantare 2015. Mani Martin azarihuriramo n’abandi bahanzi bakomeye nka Bill Clinton Kalonji wo muri Repubulika Iharanira Demokarasi ya Congo, Tiken Jah Fakoly wo muri Côte d’Ivoire , Habib Koité wo muri Mali n’abandi batandukanye.

Ni ku nshuro ya kabiri Mani Martin agiye kwitabira iri serukiramuco nyuma y’iryo yaririmbyemo mu Mujyi wa Goma mu mwaka wa 2013.

Nyuma y’iri serukiramuco, Mani Martin arateganya gushyira hanze amashusho y’indirimbo ye ‘Valentin’o aherutse gusohora. Aranateganya gukorera igitaramo ku ivuko mu Karere ka Rusizi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .