00:00:00 IGIHE NETWORK KN KINYARWANDA EN ENGLISH FR FRANCAIS

Akazi akora abona kazamufasha gukorana indirimbo n’icyamamare ku isi

Yanditswe na

Richard IRAKOZE

Kuya 10 Gashyantare 2012 saa 04:40
Yasuwe :
0 0

Nzabanita Angelique ukoresha izina ry’ubuhanzi rya Macc Too’, ni umunyarwandakazi ukora injyana ya Hip-Hop akaba ari umwe mu bahanzi bahabwa amahirwe yo kuririmba mu gitaramo cyatumiwemo ibihangange ku isi nka Snoop Dogg, Lil Wayne, Lupe Fiasco, Nelly, Bow Wow; kimwe mu bimenyetso byerekana uko akunzwe mu bahanzi bakizamuka.
Mu kiganiro ku murongo wa telefone n’uyu muhanzi, Macc Too’ avuga ko n’ubwo asanzwe ari umunyeshuri wiga mu mashuri abanziriza aya Kaminuza, yabonye akazi ko kwamamaza (...)

Nzabanita Angelique ukoresha izina ry’ubuhanzi rya Macc Too’, ni umunyarwandakazi ukora injyana ya Hip-Hop akaba ari umwe mu bahanzi bahabwa amahirwe yo kuririmba mu gitaramo cyatumiwemo ibihangange ku isi nka Snoop Dogg, Lil Wayne, Lupe Fiasco, Nelly, Bow Wow; kimwe mu bimenyetso byerekana uko akunzwe mu bahanzi bakizamuka.

Mu kiganiro ku murongo wa telefone n’uyu muhanzi, Macc Too’ avuga ko n’ubwo asanzwe ari umunyeshuri wiga mu mashuri abanziriza aya Kaminuza, yabonye akazi ko kwamamaza inkweto za Foot Locker, aka kazi akaba avuga ko asanga kazatuma abasha kuba umunsi umwe yakorana indirimbo na kimwe mu byamamare mu muziki ku rwego rw’si kuko iyo bigiye muri Australia ari ho baza kugurira inkweto n’imyambaro.

Macc Too’ yagize ati:”Hari iduka ryitwa Foot Locker, bampayemo akazi mu rwego rwo kurimenyekanisha. Hano hahora abahanzi b’Abanyamerika iyo baje muri Australia baje guhahiramo. Nabashije guhuriramo n’abahanzi b’abanyamerika.”

Uyu muraperikazi, umaze gukora indirimbo enye, avuga ko yamaze no kubonana na bamwe mu bahanzi bakomeye nka Ludacris na Tyga, baje kugura inkweto muri iryo duka. Akavuga ko yahise ashaka uko bavugana bakaba bazakorana indirimbo n’ubwo kugeza ubu ntacyo byatanze bwose.

Umuhanzi Macc Too'

Macc Too’, w’imyaka 21 y’amavuko, urapa mu rurimi rw’Icyongereza gusa, avuga ko natangira gukorana n’abahanzi bakunzwe azahita atangira kuririmba mu Kinyarwanda mu rwego rwo kumenyekanisha u Rwanda. Yagize ati:”Ubundi nkunda kurapa mu Cyongereza kubera ko ninjiye mu bintu by’umuziki mu Cyongereza kugira ngo ubutumwa bwanjye buzajye bugera hanze, ariko ubutaha nzajya nshyiramo Ikinyarwanda”.

Uyu muhanzi Macc Too’ yabwiye igitangazamakuru The Age, cyandikirwa mu Mujyi wa Melboure ko mu buhanzi bwe aririmba yibanda ku kuvuganira abantu. Yagize ati:’’Benshi mu Banyafurika baba muri Australia barapa ku buzima, guha imitekerereze mishya abantu, cyangwa se guhindura imyumvire y’abaturage. Ku giti cyanjye ndapa ku buzima busanzwe, ubwo ku mihanda ndetse rimwe na rimwe guhindura imyumvire y’abanzi banjye”.

Uyu muhanzi yagaragaye muri imwe mu maserukiramuco akomeye yabereye muri Australia harimo iryitwa ‘Emerge Festival’ ryabaye mu 2011.

Macc Too’ yavukiye anakurira i Nyamirambo aho yize amashuri abanza nyuma aza kwerekeza muri Australia. Asaba abakunzi be kurushaho kumuba inyuma bagakomeza kwereka amahanga nko n’u Rwanda rufite abahanzi bashoboye.

Menya amateka n’ubuzima bwa Macc Too’ ukanda hano

Reba amashusho y’indirimbo y’umuhanzi Macc Too’:


Kwamamaza

Kwamamaza

Izindi nkuru wasoma

Inkuru ziheruka - Amakuru

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .