00:00:00 IGIHE NETWORK KN KINYARWANDA EN ENGLISH FR FRANCAIS

Nyuma y’imyaka 11 umuhanzi Lilp yaragarutse mu Rwanda

Yanditswe na

Richard Irakoze

Kuya 24 August 2012 saa 01:05
Yasuwe :

Umubyeyi w’umuhanzi Lilp yaraturitse ararira ubwo yabonaga uyu mwana we w’imyaka 22, nyuma y’imyaka 11 batabonana. Uyu mubyeyi avuga ko yarijijwe n’urukumbuzi rwinshi yari afitiye umwana we nyuma yo kumva ko yabaye umuhanzi akigera mu Bwongereza.
Ibi byabaye mu ijoro ryo kuri uyu wa Gatatu tariki ya 23 Kanama 2012, ubwo uyu muhanzi yakirwaga n’abo mu muryango we.
Aganira na IGIHE, nyina wa Lilp yavuze ko yari azi ko umwana we azasanga yarahindutse cyane mu mico kubera ubuhanzi. Avuga ariko ko (...)

Umubyeyi w’umuhanzi Lilp yaraturitse ararira ubwo yabonaga uyu mwana we w’imyaka 22, nyuma y’imyaka 11 batabonana. Uyu mubyeyi avuga ko yarijijwe n’urukumbuzi rwinshi yari afitiye umwana we nyuma yo kumva ko yabaye umuhanzi akigera mu Bwongereza.

Ibi byabaye mu ijoro ryo kuri uyu wa Gatatu tariki ya 23 Kanama 2012, ubwo uyu muhanzi yakirwaga n’abo mu muryango we.

Aganira na IGIHE, nyina wa Lilp yavuze ko yari azi ko umwana we azasanga yarahindutse cyane mu mico kubera ubuhanzi. Avuga ariko ko yatunguwe no gusanga atari ko agaragara. Yagize ati“Ni ibintu byandenze iyo nza kuba ntari umuntu usenga Imana mba navuye na hariya kukibuga ahubwo.”

Lilp avuga ko yari akumbuye kubona nyina n’abandi bavandimwe be bari bamutegereje ku kibuga mpuzamahanga cy’indege cy’i Kanombe. Ubwo uyu muhanzi yazaga mu Rwanda, yakirwaga, hari bamwe mu bo mu muryango we n’inshuti ze za hafi bari baje bitwaje ibyapa byanditseho amazina ye binamuha ikaze.

Uyu muhanzi arateganya kuzamara ibyumweru bitanu mu Rwanda, aho ateganya gukora amashusho ya zimwe mu ndirimbo ze, gusura impfubyi, gukora ibitaramo. Ateganya n’igikorwa nyamukuru cyo kumurikira Abanyarwanda Album ye ya mbere yise “#KinyaEnglish” yatunganyirije mu Bwongereza.

Reba indirimbo My Bubu ya Lilp


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .