Lil G na Knowless bahuriye mu ndirimbo ivuga ubutwari

Yanditswe na

IGIHE

Kuya 1 Gicurasi 2015 saa 12:53
Yasuwe :
0 0

Karangwa Lionel(Lil G) na Ingabire Jeanne d’Arc(Knowless) bahuriye mu ndirimbo yitwa ‘Nzakubona’ aho bagaruka cyane ku buryo umuntu apfusha umuntu we yakundaga ndetse amufata nk’intwari ariko nyuma y’urupfa akaba afite amatsiko y’uburyo bazahura.

Mu nyikirizo y’iyi ndirimbo, Knowless aririmba agira ati “Ese niba nyuma y’urupfu hari ubundi buzima, ni iki cyatuma ndira…nizeye ko nzakubona. Nzakubona, nzakubona….”

Mu kiganiro Lil G yagiranye na IGIHE yasobanuye ko yanditse iyi ndirimbo abikomoye ku nzozi zikomeye yarose . Ati “Narose inzozi zijya kumera nka film nari naraye ndebye, icyo gihe nari umugabo wari ufite umugore ariko tukaba twarakundanaga cyane. Namufataga nk’intwari kubera uburyo yaharaniraga uburenganzira bw’abantu, uburyo yicishaga bugufi agakunda abantu nta kurobanura”

Yungamo ati “Uwo mugore yaje kwicwa, nagize agahinda gakomeye cyane. Nkangutse numvise iyo nkuru ntayipfusha ubusa ndayandika. Nyuma nibwo naje gusanga byaba byiza mfatanyije na Knowless kuyiririmbana. Naramushatse mubwira iyo nkuru arayumva ndetse yemera ko dufatanya”

Nyuma yo gushyira hanze iyi ndirimbo yakozwe na Producer Clement muri KINA Music , Lil G aretaganya guhita ayikorera amashusho ndetse akazafungura ku mugaragaro studio ye bwite yise ‘Rwandan Entertainment”.

Ati “Iyi ndirimbo ndashaka guhita nyikorera amashusho, hanyuma muri uku kwezi ndashaka no guhita nshyira hanze studio yanjye bwite izajya ikora umuziki. Ibyuma namaze kubitumiza ubu hari gukorwa imirimo ya nyuma yo kuyubaka neza ubundi igatangira gukora”

UMVA IYI NDIRIMBO HANO:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza