N’ubwo yishimira aho ageze mu muziki, Jody abona agifite akazi kenshi

Yanditswe na Dean Irak
Kuya 26 Kamena 2012 saa 06:21
Yasuwe :
0 0

Umuhanzi uririmba mu njyana ya R’n’B, Phibie Muyoboke, w’imyaka 21, uzwi ku izina rya Jody avuga ko hari akazi kenshi abona agomba gukora kugira ngo agere ku ntego ye mu buhanzi.
uyu Munyarwanda kazi ngo hari abantu benshi bamubwira ko bakunze ibihangano bye, ariko ko yumva acyifuza ko bimenyekana hose mu Rwanda kugeza no mu biturage.
Jody kimwe mu byo yumva yifuza kugeraho ni uko abantu b’ingeri zose mu Rwanda bamumenya. Avuga ko yumva hari ahantu henshi ataragera ariko ngo yifitiye (...)

Umuhanzi uririmba mu njyana ya R’n’B, Phibie Muyoboke, w’imyaka 21, uzwi ku izina rya Jody avuga ko hari akazi kenshi abona agomba gukora kugira ngo agere ku ntego ye mu buhanzi.

uyu Munyarwanda kazi ngo hari abantu benshi bamubwira ko bakunze ibihangano bye, ariko ko yumva acyifuza ko bimenyekana hose mu Rwanda kugeza no mu biturage.

Jody kimwe mu byo yumva yifuza kugeraho ni uko abantu b’ingeri zose mu Rwanda bamumenya. Avuga ko yumva hari ahantu henshi ataragera ariko ngo yifitiye icyizere, kandi akeneye ko ibihangano bye bimenyekana cyane.

Yagize ati:” Ku rwego rwo mu Rwanda ni byiza kubanza kumenyekana hose mu gihugu n’umwana n’umukecuru, nifuzaga ko babanza bakamenya ngo Jody ni muntu ki. Umuziki wanjye nifuza ko wagera ku bantu bose no muri East Africa na Afurika yose no kugeza ku rwego rw’Isi.”

Jody uri kumvikana cyane mu bahanzi bashya b’abakobwa mu Rwanda, avuga ko n’ubwo yumva yifitiye icyizere cyo kuzamamara mu ihe kiri imbere, bimusaba imbaraga nyinshi kuko yumva ataramenyekana hose nk’uko abyifuza.

Yagize ati:”Ubu ndacyafite gukora cyane (...). Bishobora gutwara igihe ariko bizagerwaho. Icyo nkeneye ni promotion gukora cyane, icyizere ndafite.”

Jody amaze igihe kingana n’amezi atandatu akora cyane mu muziki. Amaze kugira indirimbo eshatu ari zo ‘Ni Njye Nawe’, ‘Twishime’ na ‘Ndi fièrre’.

Amashusho y’indirimbo Twishime ya Jody yakozwe na Producer Cedru:

Jody akorera muri Label yitwa BMCG (Baric Music Creation Generation-ikorana na Jody, True D, The Brothers, DMS, Jack-B, Usher Juno, n’abandi) imufasha mu bijyanye n’ubuhanzi bwe.

Arateganya gusohora indirimbo ye nshya yise “Ni iki nakora” yakozwe na Producer Naason muri Bridge Records. Arateganya kandi gushyira hanze amashusho y’indirimbo yakoranye na The Brothers yitwa “Intera”.

Azagaragara mu gitaramo cya Live cya Kigali Up kuwa 7 Kamena 2012. Yatumiwe mu gitaramo kizabera muri Kenya, kizaba mu mpera z’iki Cyumweru.



KANDA HANO USHOBORE KUMVA
  Ni Iki Nakora (Sample) By Jody

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza