Biography

Yanditswe na

Richard Irakoze

Kuya 2 Ukuboza 2012 saa 07:45
Yasuwe :
0 0

Umuhanzi Henry Wow wo muri KGB ubundi yitwaga Hirwa Henry. Ni mwene Kayibanda Ladislas na Mukazera Olive.
Yavutse kuwa 7 Kamena 1985 (imyaka 27), avukira i Bujumbura mu Burundi. Ni umwana wa kabiri mu bana bane. Niwe wari umuhungu wenyine.
Imfura mu muryango we ifite imyaka 30, bucura akagira imyaka 20, ari nawe nyampinga w’u Rwanda 2012, Mutesi Aurore.
Amashuri abanza yayatangiriye i Burundi aza kuyakomereza i Gikondo, ari naho yayarangirije. Ayisumbuye yayize kuri Groupe Scolaire Kabuga (...)

Umuhanzi Henry Wow wo muri KGB ubundi yitwaga Hirwa Henry. Ni mwene Kayibanda Ladislas na Mukazera Olive.

Yavutse kuwa 7 Kamena 1985 (imyaka 27), avukira i Bujumbura mu Burundi. Ni umwana wa kabiri mu bana bane. Niwe wari umuhungu wenyine.

Imfura mu muryango we ifite imyaka 30, bucura akagira imyaka 20, ari nawe nyampinga w’u Rwanda 2012, Mutesi Aurore.

Amashuri abanza yayatangiriye i Burundi aza kuyakomereza i Gikondo, ari naho yayarangirije. Ayisumbuye yayize kuri Groupe Scolaire Kabuga (APERWA), aza gukomereza i Gikondo, ayasoreza kuri APAPE.

Yize umwaka umwe muri Kigali Institute of Management (KIM). Yateganyaga gukomeza amashuri ye muri Mutarama 2013.

Uko Henry yinjiye mu buhanzi

Kwinjira mu buhanzi kwa Henry byatangiye ubwo yabyinaga mu itsinda rya ‘Cool Friends’. Yaje kuza guhura na Skizzy nawe wari muri iri tsinda ariko we aririmba nuko biza kurushaho gukomera ubwo bazaga guhurira mu ishuri rimwe, kuri APACE bigana.

Skizzy aganira na IGIHE yavuze ko uku guhura ari bwo baje kwisangamo impano ndetse babiganiriza na MYP nuko bahitamo gushyinga itsinda baryita KGB-Kigali Boyz.

Indirimbo ya mbere bashyize hanze yitwa “Abakobwa b’I Kigali” basohoye mu 2003. Iya nyuma baherukaga gusohora ni iyitwa “Bibi”.

Skizzy avuga ko bari bamaze gukora indirimbo zirenga 30. Avuga ko nyuma y’aho mugenzi wabo MYP agiriye muri Leta Zunze Ubumwe z’Amerika bari bategereje ko bisuganya bakongera gushyira izindi ndirimbo hanze zirimo iyitwa “Iwacu Ni Heza” basubiranyemo na Mani Martin ndetse n’izindi ebyiri zikiri muri studio zirimo amajwi ya Henry.

Urupfu rwa Henry

Henry yitabye Imana ku buryo butunguranye kuri uyu wa Gatandatu tariki ya 1 Ukuboza 2012, arohamye mu kiyaga cya Muhazi mu Ntara y’i Burasirazuba.

Azashyingurwa kuri uyu wa Gatatu tariki ya ya gatanu Ukuboza 2012 (05-12-2012), saa saba z’amanywa ( 13h00’) i Rusororo.

Misa yo kumusabira izabera kuri Paruwasi ya Regina Pacis i Remera saa tanu z’amanywa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .