Umuhanzi Hirwa Henry yashyinguwe mu cyubahiro

Yanditswe na

Olivier Muhirwa na Richard Irakoze

Kuya 5 Ukuboza 2012 saa 08:24
Yasuwe :
0 0

Nyuma y’aho yitabye Imana kuwa Gatandatu yariki ya Mbere Ukuboza arohamye mu kiyaga cya Muhazi. Hirwa Henry umubyinnyi akaba n’umwe muri batatu bari bagize itsinda ry’abariribyi rya KGB, yashinguwe kuri uyu wa Gatatu mu irimbi ry’i Rusororo.
Hirwa Henry wari ufite imyaka 27 y’amavuko mbere yo kumushyingura mu irimbi rya Rusororo habanje umuhango wo kumusezeraho bwa nyuma wabereye mu rugo iwabo ku Kimironko, nyuma haba misa yo kumusabira yabereye kuri Paruwasi ya Regina Pacis i Remera, (...)

Nyuma y’aho yitabye Imana kuwa Gatandatu yariki ya Mbere Ukuboza arohamye mu kiyaga cya Muhazi. Hirwa Henry umubyinnyi akaba n’umwe muri batatu bari bagize itsinda ry’abariribyi rya KGB, yashinguwe kuri uyu wa Gatatu mu irimbi ry’i Rusororo.

Hirwa Henry wari ufite imyaka 27 y’amavuko mbere yo kumushyingura mu irimbi rya Rusororo habanje umuhango wo kumusezeraho bwa nyuma wabereye mu rugo iwabo ku Kimironko, nyuma haba misa yo kumusabira yabereye kuri Paruwasi ya Regina Pacis i Remera, ahari imbaga y’abantu bari baje kumuherekeza bwa nyuma, doreko kiliziya yari yakubise yuzuye mu gihe abandi bumvaga misa bari hanze.

Nyuma ya misa Minisitiri w’Umuco na Siporo Mitali Protais nawe wari witabiriye imihango yo gusezera bwa nyuma kuri Hirwa Henry, yavuze ko uretse n’umuryango igihugu nacyo kibuze umusore waberaga abandi urugero, kandi ko kibuze umusore w’inyangamugayo maze asaba umuryango yakomokagamo kwihangana no gukomera.

Ruragwa Gaston uzwi ku izina rya Skizzy umwe mubo batangiranye bari banasigaranye mu bagize itsinda rya KGB dore ko mugenzi wabo we yagiye kuba muri Amerika, yavuze ku rukundo n’ubutwari, urugwiro no gusabana kwarangaga Henry, avuga ko abuze inshuti magara kandi bafatanyaga muri byinshi.

Mu mihango nyirizina yo kumushyingura mu irimbi rya Rusororo, hari hari abantu benshi cyane biganjemo urubyiruko, abahanzi n’abanyamakuru, abafashe amagambo bose bashimangiraga urugwiro n’ubusabane byaranze Hirwa akiri ku Isi.

Mu butumwa bwa bashiki be bwasomewe aho harimo bavugaga ko yari umuvandimwe ntagereranywa kandi ubakunda, ngo bafatanyaga muri byose bamutuma ahantu henshi kubahagararira dore ko ari nawe muhungu wavutse muri uwo muryango wenyine. Gusa babazwaga cyane n’uko yapfuye bitunguranye kandi badasohoje imishinga bari baratangiye.

Aha ku irimbi kandi haranzwe n’agahinda n’amarira, dore ko hari bamwe bari bifuje gufata amagambo ariko, bikabananira kubera ikiniga. Hanaririmbwe kandi indirimbo yahanzwe n’abahanzi batandukanye nyuma y’urupfu rwe.

Hirwa Henry yamenyekanye cyane nk’umwe mu basore bari bagize itsinda rya KGB rimwe mu matsinda yagize uruhare rukomeye mu iterambere ry’umuziki ugezweho mu Rwanda. Yavaga inda imwe na Miss Rwanda watowe mu mwaka wa 2012 Umutesi Aurore.

IGIHE.com tumwifurije kugira iruhuko ridashira.

Isanduko Hirwa yashinguwemo ubwo yari mu kiliziya
Ubwo umurambo wasohorwaga mu kiliziya
Abahanzi baririmbe indirimbo bahimbiye Hirwa nyuma y'urupfu rwe
Miss Aurore agahinda kari kose
Minisitiri Mitali yitabiriye misa yo gusezera kuri Hirwa
Abagiye gushyingura bari benshi
Skizzy yafashwe n'ikiniga ananirwa ubwo yavugaga ijambo

Foto:Umuseke.com na Irakoze R.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza