Itsinda KGB ririsegura ku bakunzi ba muzika

Yanditswe na

Ally Muhawe

Kuya 6 Kamena 2012 saa 10:38
Yasuwe :
0 0

Itsinda rya muzika KGB (Kigali Boys) ririsegura ku bafana baryo n’abakunzi ba muzika nyarwanda muri rusange kubera ibyo ryabijeje ntiribikore.
KGB nyuma yo kumara igihe kinini itagaragara muri muzika nyarwanda, yaje kwisegura ku bafana bayo inabizeza ko yongeye kugaruka mu ruhando rwa muzika kandi ko guhera muri Mata 2012 bazatangira kumva ibihangano byayo bishya.
Ibyo si ko byagenze, kubera iyo mpamvu itsinda KGB ryatanze itangazo ryo kwisegura rinasobanura impamvu iryo tsinda (...)

Itsinda rya muzika KGB (Kigali Boys) ririsegura ku bafana baryo n’abakunzi ba muzika nyarwanda muri rusange kubera ibyo ryabijeje ntiribikore.

KGB nyuma yo kumara igihe kinini itagaragara muri muzika nyarwanda, yaje kwisegura ku bafana bayo inabizeza ko yongeye kugaruka mu ruhando rwa muzika kandi ko guhera muri Mata 2012 bazatangira kumva ibihangano byayo bishya.

Ibyo si ko byagenze, kubera iyo mpamvu itsinda KGB ryatanze itangazo ryo kwisegura rinasobanura impamvu iryo tsinda ritubahirije isezerano ryatanze, ryavuze ko byatewe n’impamvu zitariturutseho.

Nk’ indirimbo KGB ryakoranye na Mani Martin ryari ryarijeje abafana baryo kuzabagezaho muri Mata, ryatangaje ko byaturutse kuri Producer Pastor P warikoreraga indirimbo akaza kwerekeza mu Bufaransa atazirangije.

KGB ryavuze ko kandi ryahagaritse muzika gatoya kubera ibyago ryahuye na byo, nko ku itariki 29 Mutarama 2012 umwe muri batatu barigize ariwe Rurangwa Gaston umenyerewe ku izina ry’ubuhanzi Mr. Skizzy yapfushije Nyirakuru ubyara nyina, naho tariki 10 Mata 2012 Nyirakuru ubyara nyina wa Manzi Yvan uzwi nka MYP muri iryo tsinda nawe yitaba Imana.

Iri tsinda ryagize indirimbo zakunzwe zirimo nk’iyitwa “Abakobwa b’i Kigali”, tariki 20 Gicurasi 2012 ryabonye umujyanama (manager) mushya, rimaze gusohora indirimbo nshya ryakorewe na Producer Mastola yitwa “Bibi”. Ryatangaje ko vuba aha bishoboka rigiye gukora amashusho y’iyo ndirimbo.

Batatu bagize Itsinda KGB; MYP, Mr Skizzy na Henry Wow


KANDA HANO USHOBORE KUMVA
  Bibi By KGB

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza