Biography

Yanditswe na

Richard Irakoze

Kuya 15 Ukuboza 2012 saa 06:23
Yasuwe :
0 0

Nitwa Ineza Ganza Dieudonne, navutse kuwa 20 Ukwakira 1994, mvukira mu Ntara y’i Burengerazuba mu Kare re ka Rusizi. Ndi umuhanzi nyarwanda, ndirimbo mu njyana ya RnB muri rusange.
Ndi mwene Jacques Masumbuko na Murekatete Godeleva. Ndi umwana wa kane mu muryango w’abana batanu. Mvuka ndi impanga na Umutoni Nicole.
Amashuri nayatangiriye ku ishuri ribanza rya Gihundwe B, ayisumbuye nyakomereza kuri Gropue Scolaire de Gihundwe B no mu bindi bigo bya Groupe Scolaire de Gahini, Groupe (...)

Nitwa Ineza Ganza Dieudonne, navutse kuwa 20 Ukwakira 1994, mvukira mu Ntara y’i Burengerazuba mu Kare re ka Rusizi. Ndi umuhanzi nyarwanda, ndirimbo mu njyana ya RnB muri rusange.

Ndi mwene Jacques Masumbuko na Murekatete Godeleva. Ndi umwana wa kane mu muryango w’abana batanu. Mvuka ndi impanga na Umutoni Nicole.

Amashuri nayatangiriye ku ishuri ribanza rya Gihundwe B, ayisumbuye nyakomereza kuri Gropue Scolaire de Gihundwe B no mu bindi bigo bya Groupe Scolaire de Gahini, Groupe Scolaire de Gasogi, ASPEK ku Murindi.

Ubu ndi kwiga muri Groupe Scolaire ASPEKA Kamonyi, mu mwaka wa 5, HEG (history Economics Geography) nkaba nteganya gukomereza muri APE Rugunga-mu Rugunga.

Muzika ye:

Umuziki nawutangiye ndirimba nanacuranga muri Korali y’i Rusizi. Ngeze mu mujyi wa Kigali nakomereje muri Worship Team yo muri DDC Kanombe (Divine Destiny Church), aho naririmbaga nanacuranga piano, gitari ndetse nanavuza ingoma.

Tariki ya 1 Nyakanga 2012 nibwo nasohoye indirimbo yanjye ya mbere nise “Niwe”. Nayikoreye muri Narrow Road ikorwa na Producer Piano. Naje no kongera guhimba indi ndirimbo yanjye ya kabiri yitwa “Cana Radio” nayo ikorwa na Producer Piano muri Narrow Road.

Kuko Piano ari we wakomeje kumfasha, ubwo yimukiraga muri Studio ya Bridge Records twahise tujyana, nuko dukorana indirimbo yitwa “Murasa”. Twongeye gukorana indi ndirimbo yitwa “Agnes”.

Ubu nashyize hanze amashusho y’indirimbo yanjye yitwa “Cana Radio”.

Ndateganya kubanza kurangiza amashusho y’izindi ndirimbo zanjye zose zisigaye, nkaba mpishiye abafana banjye n’indi ndirimbo izasohoka muri Mutarama yitwa “Umunyenga”.

Indirimbo nakoranye n’abandi bahanzi ni nk’iyitwa "Uko Ubishaka" ya Pacson na Green P, "Sun Day" ya Bable, "Ni Wowe Unyuzuza" ya Jay-C, P’Fla na Ama-G The Black, "Ndabona" hamwe na "Ndagukunda" z’umuraperi P’Fla, "Party Night" y’abahanzi bari barasinye muri Narrow Road yitwa Narrow Road Empire hamwe na "Igikurankota" ya Bull Dogg.

Akurahe impano, ninde umufasha mu buhanzi bwe:

Nta muntu n’umwe mu muryango wanjye nzi wigeze uririmba cyangwa ucuranga. Njye uko nabyinjiyemo ni uko nakuze numva nkunze gucuranga no kuririmba nshaka n’uburyo nabyiga. Gusa sinabyize mu ishuri, ariko naragerageje ndabimenya.

Nakuze nkunda kumva indirimbo z’abahanzi nka Apollinaire, Richard Nick Ngendahayo nkanakunda cyane umuhanzi Celine Dion.
Umuntu umfasha mu muziki wanjye ni Producer Piano, nkaba mboneraho umwanya wo kunushimira cyane kuko ari nawe watumye mbasha gusinyana kontaro na Music Trust Label muri Bridge Records.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .