Frankie Joe yagizwe umuturage wa Canada bisesuye

Yanditswe na Munyengabe Murungi Sabin
Kuya 16 Ukuboza 2016 saa 06:19
Yasuwe :
0 0

Umuhanzi mu njyana ya Dancehall Frank Rukundo [Frankie Joe] yamaze guhabwa ubwenegihugu bwa Canada nyuma y’imyaka igera ku munani ahatuye.

Frankie Joe yagizwe umwenegihugu muri Canada nyuma y’uko hashize igihe kigera ku mwaka atandukanye na Melanie Gale wari umugore we ku mpamvu itarigeze imenyekana.

Ku gicamunsi cyo kuri uyu wa Gatanu tariki ya 16 Ukuboza 2016 nibwo Frankie Joe yahawe ibyangombwa byose nk’umuturage wa Canada ndetse amazina ye ashyirwa mu bitabo, ubu ahatuye mu buryo bwemewe n’amategeko.

Frankie Joe yahise yandika kuri Instagram agira ati “Mu buryo bwemewe n’amategeko nishimiye kwitwa umuturage wa Canada. Nishimiye kuba mfite ubwenegihugu bubiri[u Rwanda na Canada] muri iyi Si nziza y’Imana.”

Yashimiye byimazeyo inshuti ye magara umuteramakofe mpuzamahanga Philp Ndugga[ukomoka muri Uganda] wamufashije mu rugendo rwo gushaka ubwenegihugu. Ati “Warakoze cyane muvandimwe Philip kuba waranyoboye muri uru rugendo.”

Frankie Joe aherutse kubwira IGIHE ko we na Melanie bamaze kubona gatanya, gusa ngo nta gahunda ya hafi afite yo gushaka undi mugore.

Yagize ati “Umwana wanjye araho, turabonana kenshi n’abandi baraho […] Ndi single (ndi ingaragu).”

Frankie Joe ubwo yari amaze guhabwa ubwenegihugu bwa Canada

Nyuma yo gutandukana n’umugore bari bamaranye hafi imyaka itanu babana, Frankie Joe ngo aryohewe n’ubuzima kandi yishimira uko abayeho muri iki gihe.

Frankie Joe na Melanie Gale barushinze mu mwaka wa 2009. Kuwa 13 Gashyantare 2011, bibarutse umuhungu wamwita Taye Rukundo.

Aba bombi buri wese yaciye inzira ze, bahuzwa n’umwana babyaranye. Kuri ubu atuye ahitwa Calgary, Alberta muri Canada ndetse ngo nta gahunda ya vuba afite yo kugaruka i Kigali.

Ubu ni Umunyarwanda akaba n'Umunya-Canada
Buri wese yaciye ize nzira
Mu 2011 ubwo baheruka kuzana mu Rwanda. Hano Melanie yafataga amafoto Frankie Joe arimo kuririmba
Frankie Joe asigaye yerekana imideli ahitwa Calgary

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza