00:00:00 IGIHE NETWORK KN KINYARWANDA EN ENGLISH FR FRANCAIS

USA: Emmy yamaze gusinyana amasezerano na Lick Lick mu gukora indirimbo ze

Yanditswe na

Kate Katabarwa

Kuya 25 December 2013 saa 06:56
Yasuwe :

Nyuma yo gukorera indirimbo muri More Records na Producer Lick Lick wahoze ari muri PressOne, umuhanzi Emmy yahise asinyana amasezerano y’umwaka na Lick Lick, azamukorera indirimbo zose zizajya kuri album ye azaza ku murikira hano mu Rwanda mu bihe biri imbere.
More Records ni inzu itunganya umuziki ikorera mu mujyi wa Dayton muri Leta ya Ohio, ari naho producer Lick Lick wahoze akorana na Meddy, The Ben na K8 muri PressOne asigaye akorera. Bakaba basinyanye amasezerano nyuma yo kumukorera (...)

Nyuma yo gukorera indirimbo muri More Records na Producer Lick Lick wahoze ari muri PressOne, umuhanzi Emmy yahise asinyana amasezerano y’umwaka na Lick Lick, azamukorera indirimbo zose zizajya kuri album ye azaza ku murikira hano mu Rwanda mu bihe biri imbere.

More Records ni inzu itunganya umuziki ikorera mu mujyi wa Dayton muri Leta ya Ohio, ari naho producer Lick Lick wahoze akorana na Meddy, The Ben na K8 muri PressOne asigaye akorera. Bakaba basinyanye amasezerano nyuma yo kumukorera indirimbo ‘My Beautiful’.

Aganira na IGIHE, Emmy yavuze ko yahisemo gusinyana amasezerano na Lick kuko ashaka kurangiza album mu mwaka umwe kandi ngo More Records yamukoreye igihangano cye neza.

Yagize ati: “Icya mbere ni uko nashimye indirimbo bankoreye cyane kandi Lick Lick ni umuhanga cyane; ni yo mpamvu rero nahisemo gusinyana amasezerano nawe kugira ngo umwaka urangire ndangije album yanjye nshaka kuzamurikira abakunzi banjye mu Rwanda.”

Yakomeje avuga ko Lick Lick atazamufasha gukora indirimbo mu majyi gusa, ahubwo ngo ni nawe uza mutunganyiriza amashusho y’indirimbo zose zizaba ziri kuri iyo album kuko ngo Lick asigaye atunganya n’amashusho y’indirimbo, dore ko ari nawe wamukoreye amashusho y’indirimbo My Beautiful.

Nsengiyumva Emmanuel uzwi cyane ku izina rya Emmy, kuri ubu amaze gukora indirimbo ebyiri zizaba ziri kuri album ye ari gutegura yifuza no kuzaza kumurikira mu Rwanda. Muri studio ya More Records, Emmy asanzemo abandi bahanzi nka Mister D ndetse na Adrien uririmba indirimbo zihimbaza Imana.

Emmy
Producer Lick Lick
Emmy yamaze gusinyana amasezerano na Lick Lick yo gukora indirimbo ze

Reba amashusho y’indirimbo my Beautiful yakozwe na Lick Lick:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .