Indirimbo ’Welcome to bed’ ya Dr Jiji igiye guhagarikwa na Minisiteri y’Umuco

Yanditswe na

Munyengabe Murungi Sabin

Kuya 10 Kamena 2014 saa 09:44
Yasuwe :
0 0

Nyuma y’iminsi itanu indirimbo Welcome to Bed ya Dr Jiji igiye hanze mu buryo bw’amashusho agaragaramo ibisa n’ubusambanyi, Minisiteri ifite Umuco mu nshingano zayo yafashe umwanzuro wo kuyihagarika.
Mu kiganiro IGIHE yagiranye na Makuza Lauren, Umuyobozi muri Minisiteri y’Umuco na Siporo ushinzwe iterambere ry’Umuco, yasobanuye ko bakimara kubona iyi ndirimbo mu buryo bw’amashusho bakoze inama bafata umwanzuro wo kuyamagana.
Nubwo umwanzuro wamaze gufatwa, Minisiteri ntibaraganira na (...)

Nyuma y’iminsi itanu indirimbo Welcome to Bed ya Dr Jiji igiye hanze mu buryo bw’amashusho agaragaramo ibisa n’ubusambanyi, Minisiteri ifite Umuco mu nshingano zayo yafashe umwanzuro wo kuyihagarika.

Mu kiganiro IGIHE yagiranye na Makuza Lauren, Umuyobozi muri Minisiteri y’Umuco na Siporo ushinzwe iterambere ry’Umuco, yasobanuye ko bakimara kubona iyi ndirimbo mu buryo bw’amashusho bakoze inama bafata umwanzuro wo kuyamagana.

Nubwo umwanzuro wamaze gufatwa, Minisiteri ntibaraganira na nyir’ubwite kuri iki kibazo gusa bitarenze kuwa Gatatu tariki ya 11 Kamena 2014 Abanyarwanda bazabimenyeshwa.

Makuza Lauren ati, « Uriya muhanzi, ni mushya, ntaranamenyekana. Gusa nka Minisiteri icyo twashimiye itangazamakuru ryo mu Rwanda ni uko ryamaganiye kure iyo ndirimbo. Ariya mashusho si meza, nta butumwa atanga ahubwo ayobya abayareba. Igishimishije ni uko nta hantu mu itangazamakuru ryo mu Rwanda iyo ndirimbo igaragara. »

Kuwa Mbere tariki ya 09 Kamena 2014, muri Minisiteri ifite Umuco mu nshingano zayo, hakozwe inama ifatira umwanzuro iyi ndirimbo.

Makuza Lauren, ushinzwe iterambere ry'Umuco muri MINISPOC

Ati, « Twakoze inama ku munsi w ‘ejo kuwa Mbere, bitarenze uyu munsi nimugoroba haraba hafashwe umwanzuro. Gusa biba bisaba guhamagara uriya muhanzi tukaganira na we kuko birashoboka ko n’ibyo yakoze atabizi. Tugomba kumuganiriza, tukamuha inama. Ntabwo bizarenga kuwa Gatatu tutarageza ku banyamakuru umwanzuro w’uko bihagaze. »

Abajijwe niba umwanzuro ndakuka wafatiwe Dr Jiji n’indirimbo ye Welcome To Bed, ari ukuyihagarika nk’uko byagendekeye Ancila ya Urban Boyz, Makuza yasubije agira ati, « Yego. Umwanzuro wafashwe ni uwo kuyamagana kuko nta cyiza yazaniye Abanyarwanda. »

Nubwo atarahamagarwa na Minisiteri cyangwa ngo bamubwire ko iyi ndirimbo ye ihawe akato mu rwanda, Dr Jiji yiteguye kwakira umwanzuro uzamufatirwa.

Aya mashusho agiye kwamaganwa mu Rwanda kubera urukozasoni rurimo

Ati, « Nta muntu urambwira ko ngomba guhagarika indirimbo ariko icyo nemera ni kimwe, Minisiteri niyo ituyobora, ntabwo nzarwanya umwanzuro bazayifatira. Nibansaba kuyihagarika ubwo nyine ni gutyo bizagenda. »

Dr Jiji yemeza ko kuba Welcome to bed igiye guhagarikwa bitavuze ko ibyo yakoze ari amafuti abangamiye Umuco nyarwanda.

Ati, « Kuba bayihagaritse ntabwo bivuze ko nakoze indirimbo irimo amafuti, oya. Ahubwo binyeretse ko isoko ry’indirimbo yanjye ritandukanye cyane n’uburyo bwo gucuranga indirimbo hano mu Rwanda. »

Aya mashusho ya Welcome to bedagiye guhagarikwa hari amakuru avuga ko mu rugo rwa Dr Jiji umwuka utameze neza dore ko ngo umugore we yababajwe no kubona uwo bashakanye ari kumwe n’abakobwa bambaye ubusa mu ndirimbo.

Ngo umugore wa Dr Jiji yishimiye kumubona muri iyi ndirimbo ari kumwe n'abakobwa bambaye muri ubu buryo

Ku ruhande rwa Dr Jiji, yabihakanye yivuye inyuma ndetse ashimangira ko umugore we yayishimiye cyane. Ati, « Umugore baramubeshyera, yishimiye indirimbo cyane. Ahubwo agiye gukurikirana umuntu ushaka kumusenyera urugo avuga ko indirimbo yateje ikibazo hagati yacu. Ibyo ni ibihuha, madamu yarayishimiye cyane. »


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .