Dr Jiji n’umugore we bavanyeho amakimbirane yakuruwe n’abakobwa bambaye ubusa

Yanditswe na

Kalinda Brendah

Kuya 17 Mata 2015 saa 03:53
Yasuwe :
0 0

Dr Jiji, ubusanzwe witwa Janvier Mugabukwari w’imyaka 34 y’amavuko yavuze ko nta makimbirane akiri mu rugo rwe nyuma y’uko we n’umugore bagiranye ubwumvikane buke kubera amashusho y’indirimbo ‘Welcome to bed’ yiganjemo abakobwa bambaye ubusa ndetse bakora ibisa n’ubusambanyi.

Mu kiganiro yagiranye na IGIHE, Dr.Jiji yavuze ko kuba atakigaragara cyane mu muziki ntaho bihuriye n’ibibazo yagiranye n’umugore we ahubwo ko hari byinshi ahugiyemo ari gutegura kandi bijyanye na muzika.

Yagize ati, “Umuziki ndawukora ntabwo nawuhagaritse, n’ubu mpugiye mu gutegura ibikorwa byanjye bya muzika mfatanya n’akazi kanjye ku buganga”.

Yakomeje asobanura ko umuziki kuri we atari ibintu bihoraho ahubwo ko agira igihe cyo kuwukora ubundi akita ku rugo rwe n’ubuzima bwe bwa buri munsi.

Yanasobanuye ko bidatinze azashyira hanze amashusho ya zimwe mu ndirimbo ze ari gutunganya ndetse ko muri Gicurasi 2015 azakorana n’abahanzi bamwe bo mu Karere.

Tumubajije niba kuba atakigaragara mu muziki cyane byaba byaraturutse ahanini ku makimbirane yagiranye n’umugore bikamuca intege mu buhanzi, yabyamaganiye kure ndetse avuga ko we n’umugore we kuri ubu bameranye neza.

Ati, “Umugore wanjye ubu nta kibazo dufitanye ndetse iby’umuziki wanjye ntaho bihurira n’imibanire yacu kugeza ubu tubanye neza”.

Yungamo ati, “Niba hari uwigeze kuvuga ko njye n’umugore wanjye tutabanye neza ubwo uwo si umugore wanjye kuko umugore wanjye nta gitangazamakuru arajyamo kuvugamo iby’imibanire yacu ubwo uwo wavuze si uwanjye rwose”.

Dr.Jiji ni umwe mu bahanzi nyarwanda bakunze kuririmba ku nsanganyamatsiko yihariye kandi igaruka cyane ku bijyanye n’imibonano mpuzabitsina. Ibi akaba abiterwa no kuba asanga ubusambanyi ari kimwe mu byugarije abantu.

Zimwe mu ndirimbo yamenyekanyeho cyane ni Super Market, Antere ibuye na Welcome to bed yahagaritswe na Minisiteri y’Umuco kubera amashusho yayo arimo ibijya gusa n’ubusambayi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .