Dr Claude yaba yaratandukanye n’umugore we mu ibanga

Yanditswe na

IGIHE

Kuya 3 Werurwe 2015 saa 04:58
Yasuwe :
0 0

Umwaka ugiye kwiyongezamo uwa kabiri Dr Claude atabana n’umugore we ari nacyo benshi bashingiraho bemeza ko batagicana uwaka aho buri wese asigaye aba mu buzima bwe akiyobora uko ashaka.

Amakuru IGIHE ikesha inshuti za hafi z’uyu muhanzi, yemeza ko umugore wa Dr Claude ari we wafashe iya mbere asiga umugabo mu rugo asubira iwabo mu Bubiligi.

Uyu mugore ngo yatangiye kugirana ibibazo na Dr Claude ahagana mu mpera za 2013. Icyo gihe ngo yajyaga iwabo, hashira igihe gito akagaruka mu Rwanda gusa nyuma y’aho ngo yafashe umwanzuro wo kugenda ubutazagaruka.

Ku ruhande rwa Dr Claude yamaganiye kure aya makuru, ashimangira ko atatandukanye n’umugore we ahubwo ngo yimukiye hanze y’u Rwanda ku mpamvu z’akazi ahakorera.

Yagize ati “Ibyo bihora bivugwa, hagiye gushira imyaka umunani bivugwa. Barabeshya ntabwo twatandukanye, yagiye gukorera hanze, nanjye maze iminsi mfite ibitaramo i Burayi, ariko turi kumwe mba ndi ino ubundi ndi hariya.”

Dr Claude akiri kumwe n'umugore we mu Rwanda bakundaga gusohokana none byarahindutse

Dr Claude ashimangira ko umugore we amaze iki gihe cyose aba mu gihugu cya Mozambique bitandukanye n’abavuga ko bamusenze.

Yagize ati “Ubundi se abo babivuga baba bashaka ko abantu batandukana cyangwa baba bazi ko kugira umugore w’umuzungu bivuga ko uzinduka ujya mu ijuru?”

Dr Claude asigaye agaragara mu birori byinshi ari wenyine

Dr Claude uvuga ko atatandukanye n’umugore asigaye yibana mu Rwanda wenyine ndetse abana babiri yabyaranye n’uyu mugore na bo bajyanye na nyina bajya gukomereza amasomo hanze y’u Rwanda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .